அர்ஜூனா விருது: 2022ல் தம்பி... 2023ல் அக்கா!

கேல் ரத்னா, அர்ஜூனா விருதுகள் அடங்கிய 2023ஆம் ஆண்டுக்கான தேசிய விளையாட்டு விருதுகள் இன்று (டிசம்பர் 20) அறிவிக்கப்பட்டுள்ளது. vaishali and praggnanandhaa received Arjuna Award

விளையாட்டு துறையில் சிறந்து விளங்குபவர்களுக்கு ஆண்டுதோறும் கேல்ரத்னா, அர்ஜுனா, துரோணாச்சார்யா, தயான் சந்த் உள்ளிட்ட விருதுகளை மத்திய அரசு வழங்கி கெளரவித்து வருகிறது.

இந்த நிலையில் இந்திய கிரிக்கெட் அணி வீரர் முகமது ஷமி, தமிழக செஸ் கிராண்ட் மாஸ்டர் வைஷாலி உட்பட 26 பேருக்கு அர்ஜூனா விருது வழங்கப்படுவதாக மத்திய இளைஞர் விவகாரங்கள் மற்றும் விளையாட்டு அமைச்சகம் இன்று அறிவித்துள்ளது. இது விளையாட்டுத்துறையில் வழங்கப்படும் 2ஆவது மிகப்பெரிய விருதாக கருதப்படுகிறது.

வைஷாலியின் சகோதரரும், இந்தியாவின் சிறந்த செஸ் வீரருமான பிரக்யானந்தாவுக்கு கடந்த ஆண்டு அர்ஜுனா விருது வழங்கப்பட்டது. இந்த நிலையில் இந்த ஆண்டு வைஷாலிக்கு அர்ஜூனா விருதும், அவரது பயிற்சியாளர் பி.ஆர். ரமேஷூக்கு துரோணாச்சார்யா விருதும் அறிவிக்கப்பட்டுள்ளது.

சர்வதேச அளவில் பேட்மிண்டன் விளையாட்டில் சிறந்த பங்களிப்பை வெளிப்படுத்தி வரும், ராக் சந்திரசேகர் ஷெட்டி மற்றும் ராங்கிரெட்டி சாத்விக் சாய் ராஜ் ஆகியோருக்கு உயரிய மேஜர் தயான் சந்த் கேல் ரத்னா விருது வழங்கப்படுகிறது.

இந்த விருதுகளை இந்திய குடியரசுத் தலைவர் திரெளபதி முர்மு வரும் ஜனவரி 9ஆம் தேதி வழங்க உள்ளார்.