Zஜி நம்மளை சொல்லலை: அப்டேட் குமாரு

இன்னிக்கு தமிழ் நாட்டில அமித் ஷா வந்ததை தவிர வேறு எதுவுமே நடக்கலைங்குற மாதிரி டிவியில எல்லாம் அமித் ஷா கிளம்புறாரு… கிளம்பிட்டாரு… வர்றாரு… வந்துட்டாரு… னு கிரிக்கெட் மேட்ச் கமெண்ட்ரி போல பேசிக்கிட்டே இருக்காங்க. அவரோ மேடையில பரம்பரை வாதத்துக்கு பாடம் புகட்டுவோம்னு சொல்றாரு. இதைப் பார்த்த ஓபிஆரும் அன்புமணியும் ஜி‌ நம்மளை சொல்லலைங்குற மாதிரி யே வேற எங்கேயோ பாக்குறாங்க.

நீங்க அப்டேட் பாருங்க

*PrabuG*

தனியார் மருத்துவக் கல்லூரியில் சேர்ந்துள்ள அரசுப்பள்ளி மாணவர்களின் கல்விக்கட்டணத்தை அரசே ஏற்கும் – எடப்பாடியார்.

ட்விட்டர்ல மட்டும்தான் காப்பி பேஸ்ட் நடக்குதுன்னு தப்பா நினைச்சுட்டேன் …

*கோழியின் கிறுக்கல்!!*

#GoBackAmitShah வேறு எந்த நாட்டில் இருந்தோ trend ஆகிறது என்று சொல்பவர்களுக்கு,

ஆமா, நாங்க “தமிழ்நாடு”!!

*ரஹீம் கஸ்ஸாலி*

ஒரு மத்திய அமைச்சரை வரவேற்க ஏர்போர்ட்டுக்கே செல்லும் முதல்வரை கொண்ட கட்சிதான், எதிர்வரும் சட்டமன்றத்தேர்தலில் பிஜேபியை கழட்டிவிட்டுட்டு தேர்தலை சந்திக்கப்போகிறதாக்கும்…

ம்..ஹூம்… வாய்ப்பில்லை ராஜா, வாய்ப்பில்லை.