ரசிகர்கள் ஆவலுடன் எதிர்பார்த்து காத்திருக்கும் புரோ கபடி லீக் சீசன் 10 இன்று (டிசம்பர் 2) தொடங்குகிறது. இன்று (டிசம்பர் 2) தொடங்கும் இந்த கபடி லீக் 2024-ம் ஆண்டு பிப்ரவரி மாதம் 21-ம் தேதி வரை நடைபெறுகிறது. மொத்தம் 12 நகரங்களில் 12 வாரங்கள் கபடி போட்டிகள் நடைபெற இருக்கின்றன.
இதன் மொத்த பரிசுத்தொகை 8 கோடி ரூபாய் ஆகும். இறுதிப்போட்டியில் வெற்றி பெறும் அணிக்கு ரூபாய் 3 கோடியும், தோல்வி அடையும் அணிக்கு ரூபாய் 1.8 கோடியும் கிடைக்கும். இதன் தொடக்க ஆட்டத்தில் குஜராத் ஜெயண்ட்ஸ் அணியுடன், தெலுங்கு டைட்டன்ஸ் அணி மோதுகிறது.
𝕋ℍ𝕀𝕊. 𝕀𝕊. 𝕀𝕋. 🤩🔥
We are just 🔟 hours away 🫶#PKLSeason10 starts tonight at 7:30 PM, LIVE on the Star Sports Network & for free on the Disney+Hotstar mobile app 🙌#ProKabaddi #HarSaansMeinKabaddi #GGvTT #MUMvUP pic.twitter.com/EE3m1b4xtz— ProKabaddi (@ProKabaddi) December 2, 2023
இரவு 8 மணிக்கு தொடங்கும் இந்த போட்டியானது அகமதாபாத்தில் உள்ள டிரான்ஸ் ஸ்டேடியா மைதானத்தில் தொடங்குகிறது.தொடர்ந்து இரவு 9 மணிக்கு தொடங்கும் 2-வது ஆட்டத்தில் யு மும்பா- யுபி மோதாஸ் அணிகள் மோதுகின்றன.
நாளை (டிசம்பர் 3) இரவு 8 மணிக்கு நடைபெறும் முதல் ஆட்டத்தில் தமிழ் தலைவாஸ் – தபாங் டெல்லி அணிகள் பலப்பரீட்சை நடத்துகின்றன. சாகர் தலைமையிலான தமிழ் தலைவாஸ் அணி தன்னுடைய சொந்த மண்ணான சென்னையில் டிசம்பர் 22-ம் தேதி பாட்னா பைரேட்ஸ் அணியை எதிர்கொள்கிறது.
களத்தில் சந்திப்போம்#IdhuNammaTeam | #GiveItAllMachi | #TamilThalaivas pic.twitter.com/OudHY4w63V
— Tamil Thalaivas (@tamilthalaivas) December 2, 2023
இரவு 7 மணிக்கு இந்த போட்டி ஜவஹர்லால் நேரு உள்விளையாட்டு அரங்கத்தில் நடைபெறும். கடந்த 9 சீசன்களிலும் தமிழ் தலைவாஸ் அணி கோப்பையை வெல்லவில்லை. இந்த சீசனிலாவது சாகர் தலைமையிலான தமிழ் தலைவாஸ் அணி கோப்பையை தட்டி தூக்குமா? என்பதை பொறுத்திருந்து பார்ப்போம்.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
-மஞ்சுளா
புயல் முன்னெச்சரிக்கை: திங்கட்கிழமை பள்ளி, கல்லூரிகளுக்கு விடுமுறை!
ரூ.5 போதும்: சென்னை மெட்ரோவின் ‘புயல் ஆஃபர்’!
