முதலமைச்சர் கோப்பைக்கான பீச் வாலிபால் போட்டிகள் இன்று (ஜூலை 8) முதல் ஜூலை 11-ஆம் தேதி வரை சென்னை மெரினா கடற்கரையில் நடைபெற உள்ளது.
முதலமைச்சர் கோப்பை – 2023 மாநில அளவிலான போட்டிகள் சென்னையில் 17 இடங்களில் ஜுலை 1-ஆம் தேதி முதல் தொடங்கி நடைபெற்று வருகிறது.
மாவட்ட அளவிலான போட்டிகளில் வெற்றி பெற்ற 38 மாவட்டங்களை சேர்ந்த 27,000-க்கும் மேற்பட்ட வீரர் மற்றும் வீராங்கனைகள் மாநில அளவிலான விளையாட்டுப் போட்டிகளில் பங்கேற்று விளையாடி வருகின்றனர். இந்தப் போட்டிகள் ஜூலை மாதம் 25-ந்தேதி வரை நடைபெறுகிறது.
சென்னை மெரினா கடற்கரையில் இன்று முதல் ஜூலை 11 வரை தினமும் மாலை 4 மணிக்கு பீச் வாலிபால் போட்டிகள் நடைபெறுகிறது. இந்தப் போட்டிகளில் மண்டல அளவில் வெற்றி பெற்ற பள்ளி மற்றும் கல்லூரி மாணவ – மாணவியர் அணிகள் பங்கேற்க உள்ளனர்.
பள்ளி மாணவ – மாணவியர் பிரிவில் தலா 18 அணிகளும் கல்லூரி மாணவ – மாணவியர் பிரிவில் தலா 18 அணிகளும் விளையாடுகின்றன. இந்த போட்டியை காண அனைவருக்கும் இலவச அனுமதி வழங்கப்பட்டுள்ளது.
செல்வம்
விம்பிள்டன்: 4 வது சுற்றுக்கு முன்னேறிய ஜோகோவிச்
மேற்குவங்க உள்ளாட்சி தேர்தல்: வாக்குச்சாவடிக்கு தீ வைப்பு!
