கெட்டுப்போய்விடக் கூடாதென உணவுப்பொருட்களை ஃப்ரிட்ஜில் வைத்த காலம் மாறி, ஃப்ரிட்ஜில் வைத்ததாலேயே கெட்டுப்போகும் உணவுகளைப் பலரும் சாப்பிட்டுக் கொண்டிருக்கிறார்கள். ஃப்ரிட்ஜில் வைப்பதால் சில உணவுகளின் தன்மை மாறிப்போகும். ஃப்ரிட்ஜில் வைத்துப் பயன்படுத்தக் கூடாத சில உணவுகளின் பட்டியல் இதோ…
**தக்காளி:** இதை ஃப்ரிட்ஜில் வைத்துப் பயன்படுத்தினால், இதன் சுவையில் மாற்றம் ஏற்படும். அதன் தன்மையும் மாவு போன்று மாறிவிடும்.
**அவகேடோ:** காயாக இருக்கும் அவகேடோவை ஃப்ரிட்ஜில் வைக்கக் கூடாது. பழுத்த அல்லது ஏற்கெனவே வெட்டிய பழத்தை ஃப்ரிட்ஜில் வைத்துப் பயன்படுத்தலாம்.
**வெங்காயம்:** ஃப்ரிட்ஜிலிருக்கும் ஈரப்பதம் வெங்காயத்தை மென்மையாக்கி, பூஞ்சைத்தொற்றை ஏற்படுத்திவிடும். அத்துடன் ஃப்ரிட்ஜிலிருக்கும் மற்ற உணவுப் பொருள்களிலும் இதன் வாசனை பரவிவிடும்.
**பூண்டு:** இதை ஃப்ரிட்ஜில் வைத்தால் ரப்பர்போல மாறிவிடும்.
**பிரெட்:** ஃப்ரிட்ஜில் வைத்திருந்தால், இது சீக்கிரமே உலர்ந்துவிடும்.
**உருளைக்கிழங்கு:** ஃப்ரிட்ஜில் வைத்தால், உருளைக்கிழங்கில் இருக்கும் ஸ்டார்ச், விரைவில் சர்க்கரைச் சத்தாக மாறி, சுவையைக் கெடுத்துவிடும்.
**காபிக்கொட்டை, காபித்தூள்** இரண்டையும் ஃப்ரிட்ஜில்வைத்தால் அவற்றின் சுவை மாறக்கூடும். மேலும், ஃப்ரிட்ஜிலிருக்கும் மற்ற பொருள்களின் வாசனையை அவை உட்கிரகித்துக்கொள்ளும்.
**தேன்:** ப்ரிட்ஜில் வைத்தால், படிகங்களாக உறைந்துவிடும். எனவே, தேன் பாட்டிலை இறுக்கமாக மூடி அறை வெப்பநிலையில் வைத்திருப்பதே சிறந்தது.
**[நேற்றைய ரெசிப்பி: கப்பா மசியல்](https://www.minnambalam.com/public/2021/11/20/1/kappa-masiyal)**
.�,
