பைக் ஷோரூமில் பெண்ணிடம் ரகளை: தவெக நிர்வாகி நீக்கம்!

By Pandeeswari Gurusamy

|

Published on 17 Nov 2026, 5:40 PM

கோவை தொண்டாமுத்தூர் அருகே சுண்டப்பாளையத்தில், பைக் ஷோரூமுக்குள் அத்துமீறி நுழைந்து த.வெ.க நிர்வாகி பிரகாஷ் ரகளையில் ஈடுபட்டதாக , ஷோரும் உரிமையாளர் வெளியிட்ட வீடியோ சமூக வலைத்தளங்களில் வைரலானது.

இதுகுறித்து நேற்று ஷோரூம் உரிமையாளர் தரப்பில் காவல்துறையில் புகார் அளிக்கப்பட்ட நிலையில், தவெக நிர்வாகி பிரகாஷ் கட்சியின் அனைத்து பொறுப்புகளில் இருந்தும் நீக்கப்பட்டுள்ளார்.

ADVERTISEMENT

இதுகுறித்து கோவை வடக்கு மாவட்டச் செயலாளர் ராஜ்குமார் வெளியிட்டுள்ள அறிக்கையில், “தமிழக வெற்றிக் கழகத்தில் வேடப்பட்டி பேரூராட்சி நகரச் செயலாளராகப் பொறுப்பு வகித்து வரும் பிரகாஷ் 13.11.2026 அன்று ஊடகங்களில் வெளியான காணொளி தொடர்பாக கழகத்தின் கொள்கைகள், குறிக்கோள்கள் மற்றும் கோட்பாடுகளுக்கு முரணான வகையிலும், கழகத்தின் கண்ணியத்திற்குக் களங்கம் விளைவிக்கும் வகையிலும் செயல்பட்டுள்ளதாகக் கருதப்படுவதால், கழகத்தின் ஒழுங்கு மற்றும் கட்டுப்பாட்டைப் பேணும் நோக்கில், அவர் வகித்து வரும் அனைத்து கழகப் பொறுப்புகள் மற்றும் அடிப்படை உறுப்பினர் பொறுப்புகளிலிருந்தும் நிரந்தரமாக நீக்கப்படுகிறார்.

எனவே, 15.11.2026 முதல் இந்நீக்கம் நடைமுறைக்கு வருகிறது. கழக உறுப்பினர்கள் மற்றும் நிர்வாகிகள் யாரும் அவருடன் எவ்விதத் தொடர்பும் வைத்துக் கொள்ள வேண்டாம் எனக் கேட்டுக் கொள்ளப்படுகிறார்கள்.” என தெரிவிக்கப்பட்டுள்ளது.

ADVERTISEMENT

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Pandeeswari Gurusamy

ஊடகத்துறையில் கடந்த 2010-ஆம் ஆண்டு முதல் பணியாற்றி வரும் பாண்டீஸ்வரி குருசாமி, 'தீக்கதிர்' நாளிதழ் & இணையதளம் மற்றும் 'இந்துஸ்தான் டைம்ஸ் தமிழ்' ஆகிய நிறுவனங்களில் பணியாற்றியவர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel