“அமெரிக்காவே மிரண்டு போச்சு!” – ஸ்விக்கி, பிளிங்கிட் வேகத்தைப் பார்த்து வாயடைத்த வெளிநாட்டினர்! இந்தியா தான் மாஸ்!

By Santhosh Raj Saravanan

|

Published on 13 Dec 2025, 6:31 PM

americans impressed by indian delivery apps swiggy blinkit speed quick commerce viral

வழக்கமாக நாம் தான் அமெரிக்காவைப் பார்த்து, “அப்பா… அங்கெல்லாம் டெக்னாலஜி எப்படி இருக்குல்ல?” என்று வாய் பிளப்போம். ஆனால், இப்போது கதை தலைகீழாக மாறியிருக்கிறது. இந்தியாவின் ‘குவிக் காமர்ஸ்’ (Quick Commerce) வேகத்தைப் பார்த்து, அமெரிக்கர்களே “வாவ்! இந்தியா வேற லெவல்ல இருக்கே!” என்று ஆச்சரியப்படுகிறார்கள்.

ஸ்விக்கி (Swiggy), பிளிங்கிட் (Blinkit) மற்றும் ஜெப்டோ (Zepto) போன்ற செயலிகள் இந்தியாவில் செய்யும் மேஜிக் தான் இதற்குக் காரணம்.

ADVERTISEMENT

10 நிமிடத்தில் டெலிவரி… இது சாத்தியமா? இந்தியாவில் நமக்கு இது பழகிவிட்டது. சமையல் செய்யும்போது கடுகு தீர்ந்துபோனால், மொபைலை எடுத்து ஆர்டர் செய்தால், எண்ணெய் காய்வதற்குள் கடுகு வீட்டு வாசலில் இருக்கும். பெரும்பாலும் 10 நிமிடங்களுக்குள் நடக்கும் இந்த மேஜிக்கை, அமெரிக்கர்களால் நம்பவே முடியவில்லை.

சமீபத்தில் இந்தியா வந்த பல அமெரிக்க யூடியூபர்கள் மற்றும் எக்ஸ் (Twitter) பயனர்கள், “இந்தியாவில் எதை ஆர்டர் செய்தாலும் கண் இமைக்கும் நேரத்தில் வந்துவிடுகிறது. அமெரிக்காவில் மளிகைப் பொருட்கள் வரப் பல மணி நேரம் அல்லது ஒரு நாள் கூட ஆகலாம். இந்தியா உண்மையில் எதிர்காலத்தில் (Living in the Future) வாழ்கிறது!” என்று புகழ்ந்து தள்ளுகின்றனர்.

ADVERTISEMENT

விலையும் குறைவு… சேவையும் அதிகம்! வேகம் மட்டும் காரணமல்ல, கட்டணமும் தான்.

  • அமெரிக்காவில்: ஒரு உணவை ஆர்டர் செய்தால், டெலிவரி கட்டணம், சர்வீஸ் சார்ஜ், ஓட்டுநருக்குக் கொடுக்க வேண்டிய கட்டாய ‘டிப்ஸ்’ (Tips) என எல்லாம் சேர்ந்து, உணவின் விலையை விட அதிக செலவாகும்.
  • இந்தியாவில்: மிகக் குறைவான டெலிவரி கட்டணம் (சில சமயம் இலவசம்) மற்றும் பிளாட்ஃபார்ம் கட்டணம் மட்டுமே. இது அவர்களுக்குப் பெரும் ஆச்சரியத்தை ஏற்படுத்துகிறது.

வைரல் வீடியோக்கள்: சமூக வலைதளங்களில் இப்போது, “Blinkit vs US Apps” என்ற ஒப்பீட்டு வீடியோக்கள் வைரலாகி வருகின்றன. ஒரு அமெரிக்கர், “நான் ஒரு காபி ஆர்டர் செய்தேன், அது சூடு ஆறுவதற்குள் என் கையில் இருந்தது. அமெரிக்காவில் இது கனவில் கூட நடக்காது” என்று பதிவிட்ட வீடியோ மில்லியன் வியூக்களைத் தாண்டியுள்ளது.

ADVERTISEMENT

காரணம் என்ன? இந்தியாவின் மக்கள் தொகை அடர்த்தி மற்றும் மலிவான மனிதவளம் இதற்கு ஒரு காரணம் என்றாலும், இந்திய நிறுவனங்களின் துல்லியமான லாஜிஸ்டிக்ஸ் (Logistics) மற்றும் தொழில்நுட்பக் கட்டமைப்பை (Tech Infrastructure) யாராலும் குறை சொல்ல முடியாது.

மொத்தத்தில்… உள்கட்டமைப்பில் அமெரிக்கா பெரிய நாடாக இருக்கலாம். ஆனால், “பசிக்குது” என்று நினைத்தவுடன் தட்டில் உணவைக் கொண்டு வந்து வைக்கும் இந்த வேகத்தில், இந்தியா தான் இப்போது உலகிற்கே பாடம் எடுத்துக் கொண்டிருக்கிறது!

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel