அதிமுகவை ஆதரித்த கட்சிகள் போயஸ் கார்டனில் சந்திப்பு

By Balaji

|

Published on 12 Apr 2016, 12:00 AM

ஒரே நாளில் அரசியல் களம் சூடு பிடித்திருக்கிறது. அதிமுக தலைவர் ஜெயலலிதா சில தலைவர்களைச் சந்திக்கிறார் என்றதும் பரபரப்பு தொற்றிக் கொண்டது. தங்களுக்கு அழைப்பு வருமா வராதா என ஏங்கிக் கொண்டிருந்த சிலரும் இதில் அடக்கம்.இன்று மதியம் 3 மணிக்கு ஒவ்வொரு தலைவர்களையும் ஜெயலலிதா தேர்தல் கூட்டணி குறித்து தனித் தனியாக அழைத்துப் பேசியதில் அத்தனை பேருக்கும் மகிழ்ச்சி.அவரைச் சந்தித்த பின்னர் ஊடகங்களிடம் பேசிய தலைவர்கள்

#

ADVERTISEMENT

இந்தியக் குடியரசுக் கட்சி – செ.கு.தமிழரசன்

வருகிற சட்டமன்றத் தேர்தலில் நாங்கள் அதிமுக-வை ஆதரிக்கிறோம். அதிமுக வெற்றிபெற எங்களை முழுமையாக அர்ப்பணித்து வேலை பார்ப்போம். தொகுதிப் பங்கீடுகள் குறித்துப் பின்னர் அறிவிக்கப்படும்.

ADVERTISEMENT

#

தமிழக வாழ்வுரிமைக் கட்சி – வேல்முருகன்

ADVERTISEMENT

தமிழக வாழ்வுரிமைக் கட்சி அதிமுக-வை ஆதரிக்கும். எங்களுக்கு வலுவான ஆதரவுள்ள வட, தென் மாவட்டங்களில் தொகுதிகளை ஒதுக்குமாறு கேட்டுள்ளோம். இந்தமுறை இரட்டை இலக்கத்தில் தொகுதிகள் கிடைக்கும் என நம்புகிறோம்.

#

தவ்ஹீத் ஜமாத் கட்சி – எஸ்.எம்.பாக்கர்

அதிமுகவை இந்த தேர்தலில் ஆதரிக்கிறோம். அது பற்றிய எங்கள் முடிவை செயற்குழுவைக் கூட்டி முடிவு செய்து அறிவிப்போம்.

#

பார்வர்டு பிளாக் கட்சி – கதிரவன்

அம்மாவைச் சந்தித்ததில் மகிழ்ச்சி.அதிமுக-வுக்கு எங்கள் ஆதரவைத் தெரிவித்திருக்கிறோம். இந்தமுறை கூடுதல் தொகுதிகள் கேட்கப்படும்.

#

சமத்துவ மக்கள் கழகம் – எர்ணாவூர் நாராயணன்

இந்தத் தேர்தலில் சரத்குமார் எந்தத் தொகுதியில் நிற்கிறாரோ, அங்கு அவரைத் தோற்கடிக்கும்வகையில் பிரச்சாரம் செய்யப்படும். தொகுதிப் பங்கீடுகள் குறித்து இன்று நாங்கள் பேசவில்லை.

#

கொங்கு இளைஞர் பேரவை – தனியரசு

அதிமுக-வுக்கு எங்கள் ஆதரவு தொடரும். தொகுதிப் பங்கீட்டில் இடம் கொடுக்கவில்லை என்றாலும் எங்கள் ஆதரவு தொடரும்.

#

தமிழ் மாநில முஸ்லீம் லீக் – ஷேக் தாவூத்

இந்தமுறை கூட்டணியில் 5 இடங்கள் ஒதுக்கவேண்டும் என கோரிக்கை வைத்துள்ளோம். கூட்டணிக்கு ஆதரவு தொடரும்.

இந்தக் கட்சிகளை பெரிய கட்சிகள் என்று சொல்ல முடியாது ஒவ்வொரு மண்டலத்திலும் ஓரளவு செல்வாக்குள்ள கட்சிகள்தான் என்றாலும் இந்த சந்திப்பு அரசியல் ரீதியாக முக்கியத்துவம் பெறுகிறது.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Balaji

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel