தமிழ்நாடு அரசுப் பணியாளர் தேர்வாணையத்தின் (TNPSC) குரூப்-4 தேர்வுக்கு விண்ணப்பிப்பதற்கான கால அவகாசம் நவம்பர் 8-ந் தேதி இரவு 11.59 மணி வரை நீட்டிக்கப்பட்டுள்ளது.
இதுதொடர்பாக TNPSC செயலாளர் பானோத் மருகேந்தர் லால் நேற்று (நவம்பர் 4) வெளியிட்ட செய்திக்குறிப்பில் கூறியிருப்பதாவது: ஒருங்கிணைந்த குடிமைப் பணிகள் தேர்வு-IV (தொகுதி-IV பணிகள்) 2026-க்கான அறிவிக்கை எண் 11/2026, அக்டோபர் 6-ந் தேதி வெளியிடப்பட்டது. இதற்கிடையே, தமிழக அரசின் மனிதவள மேலாண்மைத் துறை அக்டோபர் 30-ந் தேதி வெளியிட்ட அரசாணை (நிலை) எண் 68-ன்படி, வயது உச்ச வரம்பு 5 ஆண்டுகள் உயர்த்தப்பட்டுள்ளது. இதனைத் தொடர்ந்து, குரூப்-4 தேர்வுக்கு விண்ணப்பிப்பதற்கான கடைசி நாள் நவம்பர் 8-ந் தேதி இரவு 11.59 மணி வரை நீட்டிக்கப்பட்டுள்ளது. இவ்வாறு அந்தச் செய்திக்குறிப்பில் தெரிவிக்கப்பட்டுள்ளது.
கடந்த அக்டோபர் 6-ந் தேதி வெளியிடப்பட்ட குரூப்-4 தேர்வு அறிவிக்கையில், விண்ணப்பிப்பதற்கான கடைசி நாளாக நவம்பர் 5-ந் தேதி என அறிவிக்கப்பட்டிருந்தது. தற்போது விண்ணப்பிப்பதற்கான கால அவகாசம் நவம்பர் 8-ந் தேதி இரவு 11.59 மணி வரை நீட்டிக்கப்பட்டுள்ளது.
