ஆசிரியர்களுக்கு ‘ஹேப்பி’ நியூஸ்! இனி ‘டெட்’ (TET) தேர்வு கட்டாயமில்லை… தமிழ்நாடு அரசு அதிரடி உத்தரவு!

By Santhosh Raj Saravanan

|

Published on 1 Jan 2026, 5:01 PM

tn govt exempts tet exam for minority school teachers salary release

“வருஷக் கணக்கா ஸ்கூல்ல பாடம் நடத்துறோம்… ஆனா இந்த ‘டெட்’ (TET) எக்ஸாம் பாஸ் பண்ணலைனு சொல்லி சம்பளத்தை நிறுத்திட்டாங்களே!” என்று கண்ணீரோடு காத்திருந்த ஆயிரக்கணக்கான ஆசிரியர்களுக்கு, புத்தாண்டுப் பரிசாக ஒரு இனிப்பான செய்தியைத் தமிழ்நாடு அரசு அறிவித்துள்ளது.

சிறுபான்மைப் பள்ளிகளில் (Minority Schools) பணிபுரியும் ஆசிரியர்களுக்கு ஆசிரியர் தகுதித் தேர்வு (TET) கட்டாயமில்லை என்று பள்ளிக்கல்வித் துறை மிக முக்கியமான உத்தரவைப் பிறப்பித்துள்ளது.

ADVERTISEMENT

என்ன பிரச்சினை?

இலவச மற்றும் கட்டாயக் கல்வி உரிமைச் சட்டத்தின்படி, அரசு மற்றும் அரசு உதவி பெறும் பள்ளிகளில் சேரும் ஆசிரியர்கள் ‘டெட்’ தேர்வில் தேர்ச்சி பெற்றிருக்க வேண்டும். ஆனால், சிறுபான்மை அந்தஸ்து பெற்ற பள்ளிகள் (மத மற்றும் மொழிவாரி சிறுபான்மை), “எங்கள் பள்ளிகளுக்கு இந்த விதி பொருந்தாது” என்று நீதிமன்றத்தில் வழக்குப் தொடர்ந்திருந்தன.

ADVERTISEMENT

அரசு உத்தரவு சொல்வது என்ன?

உச்சநீதிமன்றம் மற்றும் உயர்நீதிமன்றத் தீர்ப்புகளின் அடிப்படையில், தமிழ்நாடு அரசு தற்போது தெளிவான முடிவை எடுத்துள்ளது.

ADVERTISEMENT
  • முழு விலக்கு: அரசு உதவி பெறும் சிறுபான்மைப் பள்ளிகளில் நியமிக்கப்படும் ஆசிரியர்களுக்கு, ஆசிரியர் தகுதித் தேர்வு (TET) தேர்ச்சி கட்டாயமில்லை.
  • பணிப் பாதுகாப்பு: டெட் தேர்ச்சி பெறாத காரணத்தினால், எந்தவொரு சிறுபான்மைப் பள்ளி ஆசிரியரையும் பணிநீக்கம் செய்யக் கூடாது.
  • நிலுவைத் தொகை: டெட் தேர்ச்சி பெறாததால் நிறுத்தி வைக்கப்பட்டிருந்த ஊதிய உயர்வு (Increment) மற்றும் இதர பணப்பலன்கள் அனைத்தும் ஆசிரியர்களுக்கு உடனடியாக விடுவிக்கப்படும்.

யாருக்கெல்லாம் இது பொருந்தும்?

இந்தச் சலுகை அனைத்துப் பள்ளி ஆசிரியர்களுக்கும் கிடையாது.

  • மதச் சிறுபான்மை (Religious Minority) பள்ளிகள் (உதாரணம்: கிறிஸ்துவ, இஸ்லாமியப் பள்ளிகள்).
  • மொழிச் சிறுபான்மை (Linguistic Minority) பள்ளிகள் (உதாரணம்: தெலுங்கு, மலையாளம் வழிப் பள்ளிகள்).
  • மேற்கண்ட பள்ளிகளில் பணிபுரியும் அரசு உதவி பெறும் (Aided) ஆசிரியர்களுக்கு மட்டுமே இது பொருந்தும்.

ஆசிரியப் பெருமக்களே… இது உங்களுக்குக் கிடைச்ச மிகப்பெரிய நிம்மதி. இனிமே ‘எக்ஸாம் பாஸ் பண்ணலையே’ங்கிற கவலை இல்லாம முழு ஈடுபாட்டோடு மாணவர்களுக்குப் பாடம் நடத்தலாம். நிறுத்தி வச்சிருந்த சம்பள உயர்வு எல்லாம் மொத்தமா கைக்கு வரும்போது அது ஒரு ஜாக்பாட் தான்!

ஆனா ஒரு சின்ன விஷயம்… உங்க பள்ளிக்கு ‘சிறுபான்மை அந்தஸ்து சான்றிதழ்’ (Minority Status Certificate) கரெக்டா இருக்கானு செக் பண்ணிக்கோங்க. அது செல்லுபடியாகும் தேதியில் இருந்தா மட்டும்தான் இந்தச் சலுகை உங்களுக்குக் கிடைக்கும். பள்ளி நிர்வாகத்திடம் இதைப் பற்றிக் கேட்டு உறுதி செஞ்சுக்கோங்க.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel