தேனியில் பணி முடிந்து திரும்பியபோது, பட்டாசு வெடித்த இளைஞர்களை எஸ்.எஸ்.ஐ. செந்தில்குமார் கண்டித்ததால் ஆத்திரமடைந்த இளைஞர்கள் தாக்கியதில், அவர் சிகிச்சை பலனின்றி உயிரிழந்தார்.
தேனியில் எஸ்.எஸ்.ஐ.யாகப் பணிபுரிந்து வந்தவர் செந்தில்குமார். இவர் பணி முடிந்து திரும்பியபோது, இளைஞர்கள் சிலர் சாலையை மறித்து பட்டாசு வெடித்து ரீல்ஸ் எடுத்துள்ளனர். இதைப் பார்த்த எஸ்.எஸ்.ஐ. இளைஞர்களைக் கண்டித்ததாகக் கூறப்படுகிறது. இதனால் ஆத்திரமடைந்த இளைஞர்கள், எஸ்.எஸ்.ஐ. செந்தில் குமார் மீது சரமாரியாகத் தாக்குதல் நடத்தியதில் அவர் படுகாயம் அடைந்துள்ளார்.
இதையடுத்து, உயிருக்கு ஆபத்தான நிலையில் எஸ்.எஸ்.ஐ. செந்தில்குமார் அரசு மருத்துவமனையில் அனுமதிக்கப்பட்டார். எனினும், சிகிச்சை பலனின்றி அவர் உயிரிழந்தார். இச்சம்பவம் தொடர்பாகக் காவல்துறையினர் 4 பேரை பிடித்து செய்து விசாரணை நடத்தி வருவதாக முதற்கட்ட தகவல்கள் வெளியாகியுள்ளன.
