எடப்பாடி நீடிக்க மாட்டார் – அமைச்சர் செங்கோட்டையன் சூசகம்

By Pandeeswari Gurusamy

|

Published on 22 Nov 2026, 4:24 PM

அதிமுகவில் 2 கோடி தொண்டர்கள் என சொன்னால், அதில் முக்கிய பொறுப்பாளர் தான் வேலுமணி. எடப்பாடி பழனிசாமியை பொதுச் செயலாளராகவும் முதலமைச்சராகவும் ஆக்குவதற்கு உறுதுணையாக இருந்தார். காலம் எடப்பாடிக்கு பதில் சொல்லும் என அமைச்சர் செஙகோட்டையன் தெரிவித்துள்ளார்.

கோவை விமான நிலையத்தில் வருவாய்துறை அமைச்சர் செங்கோட்டையன் செய்தியாளர்களை சந்தித்தார். எடப்பாடி மற்றும் எஸ்.பி.வேலுமணி இடையே ஏற்பட்டு வரும் கருத்து மோதல் குறித்த செய்தியாளர்களின் கேள்விக்கு, “முன்னாள் காலத்தை எதிர்த்து போரிட முடியும், முன்னாள் ஞானத்தை எதிர்த்து போரிட முடியும், ஆனால் காலத்தை எதிர்த்து போரிட முடியாது, காலம் வைக்கின்ற புள்ளியை உன்னால் அழிக்க இயலாது, இதுதான் எடப்பாடிக்கு நடைபெறுகின்ற நிகழ்வு. அதிமுகவில் ஒவ்வொருவராக தனது அதிகாரத்தை பயன்படுத்தி வெளியேற்றுகிறார். எந்த ஒரு தலைமைக்கு மன்னிக்கின்ற தன்மை, பெருந்தன்மை இல்லையோ, அந்த தலைமை நீடித்து நிலைக்கின்ற வரலாறு இல்லை. அந்த வரலாறு எடப்பாடிக்கு ஏற்பட உள்ளது.” என்றார்.

ADVERTISEMENT

பொள்ளாச்சியில் நடைபெற்ற திருமணத்தில் எஸ்.பி வேலுமணியுடன் பேசியது குறித்த கேள்விக்கு, “அது உறவு முறையில் இருவருக்கும் வேண்டிய திருமணம். நானும் சென்றிருந்தேன், எஸ்பி வேலுமணியும் வந்திருந்தார். எங்களது கழக நிர்வாகிகளும் வந்திருந்தார்கள், முன்னாள் அமைச்சர், நாடாளுமன்ற சட்டமன்ற உறுப்பினர்கள், மாவட்ட கழக உறுப்பினர்கள் எல்லோருமே அங்கு அருகாமையில் அமர்ந்து இருந்தோம். அங்கு இருவரும் பொதுவாக வணக்கம் செலுத்தி விட்டு சும்மா அமர்ந்து பொதுவான கருத்துக்களை பேசிக் கொண்டிருந்தோம், அரசியல் பேசவில்லை”என்றார்.

ஜாக்பாட் அடித்து தவெக ஆட்சிக்கு வந்திருக்கிறது என எடப்பாடி பழனிசாமி விமர்சனம் செய்திருப்பது குறித்த கேள்விக்கு, “ஜாக்பாட் அடித்தவர் யார் ? அதில் ஃபெயிலியர் ஆனவர் யார்? என்பது நாடு அறியும். திமுகவுடன் சேர்ந்து ஜாக்பாட் அடிக்க பார்த்தார். ஆனால் முகம் கிழிக்கப்பட்டு இருக்கிறது.”என்றார்.

ADVERTISEMENT

அனிருத் திருமணத்தில் திமுக தலைவர் ஸ்டாலினை எடப்பாடி சந்தித்தது குறித்த கேள்விக்கு, எடப்பாடி பழனிசாமியை பொறுத்தவரை பல்வேறு நிலைகளை எடுத்து ஆட்சிக்கு வர வேண்டும் என துடிக்கிறார். எம்.ஜி.ஆர், ஜெயலலிதா வழியில் வந்த இயக்கம் எங்கே சென்று கொண்டிருக்கிறது என்பதுதான் மக்கள் கேட்பது . நூற்றுக்கணக்கானவர்கைள நீக்கும் அதிகாரம் இருக்கிறது என எடப்பாடி சொல்கிறார், ஆனால் எல்லோராலும் உருவாக்கப்பட்ட பொதுச் செயலாளர் என்பதை மறந்து விடுகிறார் என தெரிவித்தார். எம்ஜிஆர், ஜெயலலிதா என்பது வேறு, எடப்பாடி பழனிசாமி என்பது வேறு , இதை அவர் புரிந்து கொண்டால் சரி. என்றார்.

அதிமுகவில் 2 கோடி தொண்டர்களில் ஒருவர் தான் எஸ்.பி. வேலுமணி என எடப்பாடி பழனிசாமி பேசியது குறித்த கேள்விக்கு, “2 கோடி தொண்டர்கள் என சொன்னால், அதில் முக்கிய பொறுப்பாளர் தான் எஸ்.பி.வேலுமணி. எடப்பாடி பழனிசாமியை பொதுச் செயலாளராகவும் முதலமைச்சராகவும் ஆக்குவதற்கு உறுதுணையாக இருந்தார். காலம் எடப்பாடிக்கு பதில் சொல்லும். என தெரிவித்தார்.

ADVERTISEMENT

எஸ்.பி வேலுமணியின் செல்வாக்கை குறைக்கும் விதமாக எடப்பாடி அப்படி பேசினாரா என்ற கேள்விக்கு, “யாரையும் யாராலும் குறைத்து விட முடியாது. கொங்கு மண்டலம் இப்பொழுது யாரிடம் இருக்கின்றது என தெரிந்து கொள்ள வேண்டும். தவெக தலைமையில் கொங்கு மண்டலம் இப்பொழுது உள்ளது. தனித்து ஒரு இயக்கம் போட்டியிட்டு 25 சட்டமன்ற உறுப்பினர்கள் பெற்ற பெருமை எங்களுக்கு இருக்கிறது. கொங்கு மண்டலம் இனி எதிர்காலத்தில் வெற்றி தளபதி தலைமையில் தான் பவனி வரும். எடப்பாடி போன்றவர்கள் எங்கே இருக்கிறார்கள் என தேடி பார்க்க வேண்டும் எனவும் வருவாய்த்துறை அமைச்சர் செங்கோட்டையன் தெரிவித்தார்

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Pandeeswari Gurusamy

ஊடகத்துறையில் கடந்த 2010-ஆம் ஆண்டு முதல் பணியாற்றி வரும் பாண்டீஸ்வரி குருசாமி, 'தீக்கதிர்' நாளிதழ் & இணையதளம் மற்றும் 'இந்துஸ்தான் டைம்ஸ் தமிழ்' ஆகிய நிறுவனங்களில் பணியாற்றியவர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel