ஜெம் வீரமணி வழக்கை விசாரணை செய்து வரும் சிறப்பு விசாரணை குழுவில் இடம் பெற்றிருந்த 3 பெண் அதிகாரிகள் காத்திருப்போர் பட்டியலுக்கு மாற்றம் செய்யப்பட்டுள்ளனர்
சென்னை, பெண்கள் மற்றும் குழந்தைகளுக்கு எதிரான குற்றத் தடுப்புப் பிரிவு துணை காவல் ஆணையர் கீதாஞ்சலி,
ஆவடி காவல் ஆணையரகத்தில் காவல் துணை ஆணையராக (தலைமையகம் மற்றும் நிர்வாகம்) பணியாற்றிய டாக்டர் வனிதா மற்றும்,
சென்னை மாநகரக் காவல்துறையின் IUCAW பிரிவில் உதவி காவல் ஆணையராகப் பணியாற்றிய வி. ராஜலட்சுமி ஆகியோர், காலி பணியிட ஒதுக்கீட்டுப் பிரிவுக்கு மாற்றப்பட்டுள்ளனர். அதாவது காத்திருப்போர் பட்டியலுக்கு மாற்றம் செய்யப்பட்டுள்ளனர். இதற்கான உத்தரவை தமிழக உள்துறை வெளியிட்டுள்ளது.
சிறுமிகளை பாலியல் வன்கொடுமை செய்த வழக்கில் ஜெம் வீரமணி கைது செய்யப்பட்டு சிறையில் அடைக்கப்பட்டுள்ளார். இந்த வழக்கை தேன்மொழி ஐபிஎஸ் தலைமையிலான பெண் ஐபிஎஸ் அதிகாரிகள் கொண்ட எஸ்.ஐ.டி குழு விசாரித்து வருகிறது. நவம்பர் 12ஆம் தேதி போக்சோ நீதிமன்றத்தில் இந்த வழக்கின் குற்றப்பத்திரிக்கையை எஸ்.ஐ.டி குழு தாக்கல் செய்தது. இந்தசூழலில் இக்குழுவில் இடம் பெற்றிருந்த கீதாஞ்சலி, வனிதா, ராஜலட்சுமி ஆகியோர் பணியிட மாற்றம் செய்யப்பட்டுள்ளனர்.
