நட்பு என்பது வானவில் போன்றது. அதில் பல வண்ணங்கள் உண்டு. எல்லோரிடமும் ஒரே மாதிரியான நட்பைப் பழக முடியாது. சிலர் நம்முடன் எப்போதும் இருப்பார்கள், சிலர் எப்போதாவது வருவார்கள். ஆனால், இவர்கள் அனைவருமே நம் வாழ்க்கைக்கு மிக முக்கியமானவர்கள்.
உளவியல் ரீதியாக நட்பை எப்படிப் பிரிக்கிறார்கள் தெரியுமா? இதோ சுவாரஸ்யமான 4 வகை நண்பர்கள். உங்க லிஸ்ட்ல இவர்கள் இருக்காங்களான்னு செக் பண்ணுங்க!
1. ‘ப்ளூ மூன்’ ஃப்ரெண்ட்ஸ் (The Blue Moon Friends): வானத்தில் ‘ப்ளூ மூன்’ எப்படி அபூர்வமாகத் தோன்றுமோ, அப்படி அபூர்வமாகச் சந்திக்கும் நண்பர்கள் இவர்கள்.
- யார் இவர்கள்?: பள்ளி அல்லது கல்லூரித் தோழர்களாக இருப்பார்கள். வேலை, குடும்பம் என்று வெவ்வேறு ஊர்களில் செட்டில் ஆகியிருப்பார்கள்.
- சிறப்பு: வருடத்திற்கு ஒரு முறையோ அல்லது எப்போதாவது மெசேஜ்ஜிலோதான் பேசுவீர்கள். ஆனால், நேரில் சந்திக்கும்போது, இடைப்பட்ட அந்தப் பல வருடப் பிரிவே தெரியாது. நேற்று பிரிந்தது போல அதே அந்நியோன்யத்துடன் (Vibe) பேசுவார்கள். இவர்கள்தான் பொக்கிஷங்கள்!
2. லோ-மெயின்டனன்ஸ் நண்பர்கள் (Low Maintenance Friends): இவர்களிடம் “ஏன்டா போன் பண்ணல?”, “ஏன் மெசேஜ் ரிப்ளை பண்ணல?” என்ற சண்டையே வராது.
- சிறப்பு: நாம் பிஸியாக இருந்தால் புரிந்து கொள்வார்கள். தினமும் பேச வேண்டும் என்ற கட்டாயம் இல்லை. ஆறு மாதம் கழித்துப் பேசினாலும், “மச்சி எப்படி இருக்க?” என்று இயல்பாகப் பேசுவார்கள். எந்தவித எதிர்பார்ப்பும் இல்லாத, ஸ்ட்ரெஸ் இல்லாத உறவு இது.
3. ஆபீஸ் ‘சர்வைவல்’ கிட் (The Work Bestie): வேலை செய்யும் இடத்தில் நமக்கு இருக்கும் ஒரே ஆறுதல் இவர்கள்தான்.
- சிறப்பு: பாஸ் திட்டிவிட்டாலோ, வேலைப்பளு அதிகமானாலோ, இவர்களுடன் ஒரு டீ சாப்பிட்டுவிட்டுப் பேசினால் போதும்; தலைவலியே பறந்துவிடும். ஆபீஸ் கிசுகிசு (Gossip) பேசுவது முதல், லஞ்ச் ஷேர் செய்வது வரை இவர்கள் இல்லையென்றால் ஆபீஸ் வாழ்க்கை நரகம் தான்.
4. 3 AM நண்பர்கள் (The Crisis Friend): இவர்களை “ஆபத்பாண்டவன்” என்றே சொல்லலாம்.
- சிறப்பு: உங்களுக்கு ஒரு கஷ்டம், அழுகை வருகிறது என்றால், நள்ளிரவு 3 மணிக்குக் கூட இவர்களுக்கு போன் செய்யலாம். எந்தக் கேள்வியும் கேட்காமல் உங்கள் புலம்பலைக் கேட்பார்கள். உங்களின் ரகசியங்களை பாதுகாக்கும் நடமாடும் பெட்டகம் இவர்கள்.
மொத்தத்தில்… தினமும் உடன் சுற்றுபவர் மட்டும் நண்பன் அல்ல. தூரத்தில் இருந்தாலும், நம் வளர்ச்சியைப் பார்த்து மகிழ்பவரும், கஷ்டத்தில் தோள் கொடுப்பவருமே உண்மையான நண்பர்கள். இந்த வகைகளில் உங்கள் நண்பர்கள் யார் என்று கண்டுபிடித்து, அவர்களுக்கு ஒரு ‘ஹாய்’ சொல்லுங்கள்!