உங்க ஆதாரை யாராவது பயன்படுத்துறாங்களா? வீட்டிலிருந்தே 6 மாத வரலாற்றை 5 நிமிடத்தில் செக் பண்ணலாம்!

By Minnambalam Desk

|

Published on 15 Nov 2026, 5:50 PM

new offline verification rules for aadhaar cards in india

வங்கிக் கணக்கு, அரசு நலத்திட்டங்கள், சிம் கார்டு இணைப்பு என்று இன்று பல இடங்களில் ஆதார் அட்டைதான் முக்கிய அடையாளம். அதனால், “என் ஆதார் எண்ணை எனக்குத் தெரியாமல் யாராவது பயன்படுத்துகிறார்களா?” என்ற சந்தேகம் பலருக்கும் வரலாம். இந்தக் கவலையைத் தீர்க்க, இந்திய தனித்துவ அடையாள ஆணையம் (UIDAI) ‘ஆதார் அங்கீகார வரலாறு’ (Aadhaar Authentication History) என்ற வசதியை ஆன்லைனில் வழங்குகிறது.

என்ன விவரங்கள் தெரியும்?

ADVERTISEMENT

இந்த வசதியில் கடந்த ஆறு மாதங்களில் உங்கள் ஆதார் எங்கெல்லாம் அங்கீகாரத்துக்குப் பயன்படுத்தப்பட்டிருக்கிறது என்பதைப் பார்க்கலாம். கைரேகை (Biometric), OTP, தனிப்பட்ட விவரங்கள் (Demographic) அடிப்படையில் நடந்த முயற்சிகள் எல்லாம் தெரியும்.

  • பரிவர்த்தனை நடந்த தேதி, நேரம்
  • அங்கீகார வகை
  • சம்பந்தப்பட்ட நிறுவனம்
  • அங்கீகாரம் வெற்றியா, தோல்வியா என்ற விவரம்

செக் பண்ணும் வழி

ADVERTISEMENT

ஆதார் மையத்துக்கு அலைய வேண்டியதில்லை. வீட்டிலிருந்தே சில நிமிடங்களில் பார்த்துவிடலாம்.

1. UIDAI அதிகாரப்பூர்வ இணையதளமான myaadhaar.uidai.gov.in பக்கத்துக்குப் போங்கள்.

ADVERTISEMENT

2. Aadhaar Authentication History சேவையைத் தேர்ந்தெடுங்கள்.

3. உங்கள் 12 இலக்க ஆதார் எண்ணையோ, 16 இலக்க Virtual ID (VID) எண்ணையோ உள்ளிடுங்கள்.

4. திரையில் வரும் பாதுகாப்புக் குறியீட்டை (Captcha) டைப் பண்ணுங்கள்.

5. Generate OTP என்பதைத் தொடுங்கள்.

6. ஆதாரோடு இணைக்கப்பட்ட மொபைல் எண்ணுக்கு வரும் OTP-ஐ உள்ளிடுங்கள்.

7. பார்க்க வேண்டிய கால அளவைத் தேர்ந்தெடுத்து Submit கொடுங்கள்.

உடனே உங்கள் ஆதார் அங்கீகார வரலாறு திரையில் தெரியும்.

தெரியாத பதிவு இருந்தால்?

உங்களுக்குத் தொடர்பில்லாத அங்கீகாரப் பதிவு ஏதாவது கண்ணில் பட்டால், அதிலுள்ள தேதி, நேரம், நிறுவனம் ஆகிய விவரங்களைக் கவனியுங்கள். அந்தப் பரிவர்த்தனை பற்றி சம்பந்தப்பட்ட அங்கீகார நிறுவனத்திடம் (AUA) விளக்கம் கேட்கலாம்.

சந்தேகம் தீரவில்லை என்றால் UIDAI உதவி எண் 1947-ஐ அழைக்கலாம். UIDAI இணையதளம் அல்லது ஆதார் செயலி மூலம் பயோமெட்ரிக் பூட்டுப் போடும் வசதியையும் பயன்படுத்தலாம்.

ஆதார் பாதுகாப்புக்கு இதையும் செய்யுங்கள்

  • ஆதார் OTP-ஐ யாரிடமும் சொல்லாதீர்கள்.
  • தேவையில்லாத இடங்களில் ஆதார் நகலைக் கொடுக்காதீர்கள்.
  • ஆதார் எண்ணுக்குப் பதிலாக Virtual ID பயன்படுத்துவது கூடுதல் பாதுகாப்பு.

அவ்வப்போது இதை பார்த்துவிடுவது உங்கள் அடையாளத்தைக் காக்கும் நல்ல முன்னெச்சரிக்கை.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Minnambalam Desk

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel