5 ஸ்டார் ஏசியா, BLDC ஃபேனா? எதில் கரண்ட் பில் குறையும்? வருஷத்துக்கு எவ்வளவு மிச்சம் பிடிக்கலாம்?

By Minnambalam Desk

|

Published on 22 Nov 2026, 8:13 PM

கோடை வந்துவிட்டால் வீடுகளில் ஏசி, ஃபேன் ஓடுவது கூடிவிடும். அதோடு மாதக் கரண்ட் பில்லும் கணிசமாக ஏறும். இந்தச் செலவைக் குறைக்க நிறையப் பேர் 5 ஸ்டார் ஏசி, BLDC ஃபேன் வாங்க ஆசைப்படுகிறார்கள். ஆனால் இரண்டும் மின்சாரத்தைச் சேமிக்கும் விதம் ஒன்றல்ல. எதில் அதிகம் மிச்சமாகும், எதை வாங்கினால் லாபம் என்று பார்க்கலாம்.

5 ஸ்டார் ரேட்டிங் என்றால் என்ன?

ADVERTISEMENT

மத்திய அரசின் எரிசக்தித் திறன் பணியகம் (BEE), மின்சாதனங்கள் எவ்வளவு மின்சாரம் பயன்படுத்துகின்றன என்பதை வைத்து 1 முதல் 5 வரை நட்சத்திரக் குறியீடு தருகிறது. அதிக நட்சத்திரம் என்றால் குறைந்த மின்சாரத்தில் நன்றாக வேலை செய்யும் சாதனம் என்று அர்த்தம். அதனால் ஏசி அல்லது ஃபேன் வாங்கும்போது, நட்சத்திரத்தோடு தயாரிப்பு ஆண்டையும் லேபிள் காலத்தையும் சரிபார்த்துக்கொள்ளுங்கள்.

5 ஸ்டார் ஏசியில் எவ்வளவு மிச்சம்?

ADVERTISEMENT

3 ஸ்டார் ஏசியோடு ஒப்பிட்டால், 5 ஸ்டார் ஏசி சுமார் 15 முதல் 25 சதவீதம் வரை மின்சாரத்தைச் சேமிக்கலாம்.

தினமும் 8 மணி நேரம் பயன்படுத்துவதாகக் கணக்கிட்டால், 3 ஸ்டார் ஏசி மாதத்துக்குச் சுமார் 384 யூனிட், 5 ஸ்டார் ஏசி சுமார் 312 யூனிட் பயன்படுத்தும் என்று சொல்லப்படுகிறது.

ADVERTISEMENT

ஆனால் தினமும் 2 முதல் 4 மணி நேரம்தான் ஏசி போடுபவர்கள், கூடுதல் விலை கொடுத்து 5 ஸ்டார் மாடல் வாங்கும் முன் விலை வித்தியாசத்தையும் மிச்சமாகும் மின்சாரத்தையும் ஒப்பிட்டுப் பார்த்துவிடுவது நல்லது.

BLDC ஃபேனில் பாதிக்கு மேல் மிச்சம்

சாதாரணச் சீலிங் ஃபேன்கள் பொதுவாக 70 முதல் 80 வாட் மின்சாரம் எடுக்கும். 5 ஸ்டார் BLDC ஃபேன்கள் 28 முதல் 35 வாட் மட்டுமே எடுக்கின்றன. அதனால் பயன்பாட்டைப் பொறுத்து 50 முதல் 65 சதவீதம் வரை மின்சாரம் மிச்சமாக வாய்ப்பு இருக்கிறது.

ஒரு ஃபேனை தினமும் 8 முதல் 10 மணி நேரம் ஓட்டினால், ஆண்டுக்குச் சுமார் ரூ.600 முதல் ரூ.1,000 வரை கரண்ட் பில்லில் சேமிக்கலாம் என்று கணக்கிடப்பட்டுள்ளது.

ஏசியோடு ஃபேனும் போட்டால்

ஏசியை 24 முதல் 26 டிகிரி செல்சியஸில் வைத்து, BLDC ஃபேனைக் குறைந்த வேகத்தில் ஓடவிட்டால் குளிர்ந்த காற்று அறை முழுக்கச் சீராகப் பரவும். அதனால் ஏசியின் கம்ப்ரெஸருக்கு விழும் சுமையும் குறையலாம்.

தினமும் 8 மணி நேரத்துக்கு மேல் பயன்படுத்துபவர்களுக்கு 5 ஸ்டார் சாதனங்கள் நீண்ட காலத்தில் லாபமாக அமையலாம்.

எதை வாங்கலாம்?

  • ஏசி தேவைப்படும் சூழலில் 5 ஸ்டார் இன்வெர்ட்டர் ஏசி நல்ல தேர்வு.
  • தினமும் நீண்ட நேரம் ஃபேன் ஓடும் வீடுகளுக்கு BLDC ஃபேன் மின்சாரச் செலவைக் குறைக்க உதவும்.

இரண்டையும் சரியான முறையில் பயன்படுத்தினால் வீட்டின் கரண்ட் பில்லைக் கட்டுக்குள் வைக்கலாம்.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Minnambalam Desk

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel