தமிழக முதல்வர் விஜய் இன்று காங்கிரஸ் அலுவலகம் மற்றும் விசிக தலைவர் இல்லத்திற்கு செல்ல உள்ளதாக தகவல்கள் வெளியாகி உள்ளது.
தமிழக முதல்வராக விஜய் மே 10ஆம் தேதி பதவியேற்றார். அதைத் தொடர்ந்து நேற்று பெரம்பூர் சட்டமன்றத் கூட்டத்தில் பெரம்பூர் தொகுதி எம்எல்ஏவாகப் பதவியேற்றுக் கொண்டார்.
நேற்றைய சட்டமன்றக் கூட்டத்திற்குப் பிறகு, முதல்வர் விஜய் திமுக தலைவர் ஸ்டாலின், மதிமுக பொதுச் செயலாளர் வைகோ, பாமக தலைவர் அன்புமணி ராமதாஸ், நாம் தமிழர் கட்சியின் ஒருங்கிணைப்பாளர் சீமான் ஆகியோரின் இல்லங்களுக்கு நேரில் சென்று வாழ்த்துகளைப் பெற்றார்.
இந்நிலையில், இன்று மாலை 3 மணி அளவில் விஜய் தமிழ்நாடு காங்கிரஸ் கமிட்டியின் தலைமை அலுவலகத்திற்கு தமிழக முதல்வர் விஜய் வருகை தர உள்ளார் என, டெல்லியில் உள்ள காங்கிரஸ் மூத்த தலைவர் ப. சிதம்பரம் தெரிவித்துள்ளார்.
பின்னர் இன்று மாலை விடுதலை சிறுத்தைகள் கட்சியின் தலைவர் தொல். திருமாவளவனை வேளச்சேரியில் உள்ள அவரது இல்லத்தில் மாலை 4 மணி அளவில் சந்திக்க உள்ளதாகத் தகவல்கள் வெளியாகியுள்ளன.