அசைவப் பிரியர்கள் வீட்டில் விரைவில் இறைச்சியை சமைக்க இந்த டிப்ஸ்களை பாலோ செய்யலாம்
நாம் அனைவருக்கும் அசைவம் சாப்பிடுவது என்பது மிகவும் பிடித்தமான ஒன்றாகும். வாரத்தில் ஒருநாளாவது சிக்கன், மட்டன், பீப், போர்க் என ஏதாவது ஒரு வகையில் நாம் இறைச்சியை உணவில் சேர்த்துக்கொள்வோம். ஆனால், வழக்கமான சமையலை விட அசைவம் சமைப்பதற்கு அதிக நேரம் எடுத்துகொள்ளும். அதாவது, இறைச்சி வேக கூடுதல் நேரம் எடுத்துக்கொள்ளும். அசைவம் சமைக்க நேரம் ஆகும் என்பதால் நாம் சலித்துக்கொண்டு ஹோட்டலுக்கு சென்றோ, அல்லது ஆன்லைனில் ஆர்டர் செய்யும் நிலைக்கோ தள்ளப்படுவோம்.
அடுத்த முறை நீங்கள் இறைச்சி சமைக்கும்போது சில விஷயங்களை ஃபாலோ செய்தால் எப்போதும் இல்லாத அளவு சீக்கிரம் சமைத்து முடித்துவிடலாம்.
இறைச்சியை சிறு சிறு துண்டுகளாக வெட்டுதல்
இறைச்சியை வேகவைப்பதற்கு முன்பு சிறு சிறு துண்டுகளாக நறுக்கிக் கொள்ள வேண்டும். ஏனெனில் இது இறைச்சியின் மேற்பகுதியில் வெப்பத்தை அதிகரித்து இறைச்சியை சீக்கிரம் வேகவைக்கிறது. இது சமையல் நேரத்தையும் வெகுவாகக் குறைக்கிறது.
தயாராக உள்ள இறைச்சியை வாங்கலாம்
கடைகளில் ஏற்கனவே சிறுசிறு துண்டுகளாக வெட்டப்பட்ட அல்லது மரைனேட் செய்யப்பட்ட இறைச்சிகளை வாங்கிச் செல்லலாம். இதன்மூலம் உங்கள் சமைக்கும் நேரம் சில நிமிடங்கள் குறைகிறது.
இறைச்சியை மரைனேட் செய்தல்
சரியான முறையில் இறைச்சியை மரைனேட் (ஊறவைப்பது) சமைக்கும் நேரத்தைக் குறைக்கும். இறைச்சியை மசாலா பொருட்கள் சேர்த்து ஊறவைப்பதுதான் மரைனேட் செய்தல் என்று பொருள். நீங்கள் எவ்வளவு நேரம் மரைனேட் செய்கிறீர்களோ, அவ்வளவு சிறப்பாக இறைச்சியின் சுவை இருக்கும். இறைச்சி நீண்ட நேரம் மரைனேட் செய்யப்படும்போது மரைனேட்டின் பொருட்கள் நன்றாக உள்ளே கசிந்து, சமைக்க குறைந்த நேரம் எடுக்கும் என்பதால், அது வேகமாக வேகவைக்கும்.
எலுமிச்சை, தயிர் பயன்படுத்தலாம்
சரியான பொருட்களைப் பயன்படுத்தி மரைனேட் செய்வது இறைச்சியை மென்மையாக்க உதவும். இது சமையல் நேரத்தை மேலும் குறைக்கும். எலுமிச்சை, தயிரின் அமிலத்தன்மை இயற்கையாகவே இறைச்சியை மென்மையாகவும் சுவையாகவும் மாற்ற உதவுகிறது.
அதிக வெப்பத்தில் சமைக்கலாம்
இறைச்சியை விரைவாக வேகவைக்க அதிக வெப்பத்தைப் பயன்படுத்த வேண்டும். அதிக வெப்பநிலையில் வறுக்கவும் அல்லது கிளறி வறுக்கவும். இந்த நுட்பங்கள் இறைச்சியை விரைவாக சமைக்க உதவும்.
பிரஷர் குக்கர்கள் பயன்படுத்துதல்
பிரஷர் குக்கர்கள் உட்புற அழுத்தத்தை அதிகரிப்பதன் மூலம் இறைச்சியை சீக்கிரமாக வேகவைக்கின்றன. இது தண்ணீரின் கொதிநிலையை அதிகரிக்கிறது. இதன் விளைவாக இறைச்சிகள் வேகமாக வெந்து உணவை தயார் செய்கின்றன.