ராமதாஸை குடும்பத்துடன் சந்தித்த அன்புமணி

பாமக நிறுவனர் டாக்டர் ராமதாஸை (Ramadoss) பாமக தலைவரும் அவரது மகனுமான அன்புமணி ராமதாஸ் (Anbumani) தமது குடும்பத்தினருடன் இன்று ஜூன் 24-ந் தேதி சந்தித்தார்.

பாமக இரண்டாக பிளவுபட்டுள்ளது. பாமக கட்சி பெயர், மாம்பழம் சின்னம் ஆகியவற்றை அன்புமணி ராமதாஸ் தரப்பு பயன்படுத்தி வருகிறது. சட்டசபை தேர்தலில் அதிமுக கூட்டணியில் போட்டியிட்ட அன்புமணி ராமதாஸ் பாமக 4 இடங்களில் வென்றது. அன்புமணியின் மனைவி சவுமியா, தருமபுரி தொகுதியில் வெற்றி பெற்றார்.

பாமக நிறுவனர் ராமதாஸ் குடும்பத்தில் 2 ஆண்டுகளாக மோதல் நீடித்து வந்தது. இந்த நிலையில் அன்புமணி ராமதாஸ் இன்று தமது குடும்பத்தினருடன் ராமதாஸை சந்திக்க திண்டிவனம் தைலாபுரம் தோட்டத்துக்கு சென்றார்.

ராமதாஸின் 61-வது திருமண நாளை முன்னிட்டு அன்புமணி குடும்பத்தினர் வாழ்த்து தெரிவித்தனர். இச்சந்திப்பைத் தொடர்ந்து ராமதாஸ் குடும்பத்தின் மோதல் முடிவுக்கு வருகிறது என்கின்றனர் பாமக நிர்வாகிகள்.