வேட்பாளர்களை அறிவித்த உடனே வேகமாக பிரச்சார பணிகளைத் தொடங்கியுள்ளனர் திமுக-வினர். மறைந்த வீரபாண்டியார் மகனும் வீரபாண்டி தொகுதி, திமுக வேட்பாளருமான வீரபாண்டி ராஜா, 17-ம் தேதி காலை, சேலம் பழைய பேருந்து நிலையம் அருகே உள்ள அறிஞர் அண்ணா சிலைக்கு மாலை அணிவித்துவிட்டு தீவிர பிரச்சாரத்தைத் தொடங்குகிறார்.
வீரபாண்டி தொகுதிக்குள் சுவர் விளம்பரங்கள், உதயசூரியன் சின்னம் வரையும் பணிகளும் தீவிரமடைந்துள்ளன. வீரபாண்டி தொகுதி திமுக-வினர் முகத்தில் உற்சாகம் தெரிகிறது.
‘தொகுதியில் வலுவான எதிர் போட்டியாளர் இல்லை. மக்கள் நலக் கூட்டணியிலும் இந்தத் தொகுதி சிபிஐ-க்கு வழங்கப்பட்டுள்ளது. அதனால்தான் சந்தோஷமாக இருக்கிறோம்’ என்ற திமுக-வினர், ‘சோம்பலாக இருந்து விடக்கூடாதுன்னு சீக்கிரமாக, அதிகாலையிலேயே பிரச்சாரப் பணிகளை தொடங்கிவிடுகிறோம்’ என்கின்றனர் அவரின் ஆதரவாளர்கள்.









