குளிர்காலத்தில் உதடு வெடிப்பை தவிர்ப்பது அல்லது குணப்படுத்துவது எப்படி என்று பார்ப்போம்.
குளிர்காலத்தில் உதடு வெடிப்பு என்பது ஒரு பொதுவான பிரச்சனையாகவே உள்ளது. உதடு வெடிப்புக்கு குளிர்ந்த காற்று, ஈரப்பதம் இல்லாமை மற்றும் நீரிழப்பு ஆகியவை காரணமாக உள்ளன. குளிர்காலத்தில் உதடுகளின் தோல் மிகவும் மென்மையாக மாறும். அதனை சரியாக பராமரிக்கப்படாவிட்டால் விரிசல், எரிச்சல் மற்றும் சில நேரங்களில் இரத்தம் கூட வரலாம்.
ஆகவே, குளிர்காலத்தில் உதடுகளை மென்மையாகவும், இளஞ்சிவப்பு நிறமாகவும், ஆரோக்கியமாகவும் வைத்திருக்க சிறப்பு கவனம் செலுத்த வேண்டியது அவசியமாகும். உதடு வெடிப்பை தவிர்க்க விலையுயர்ந்த அழகு சாதனப் பொருட்களைப் பயன்படுத்துவதற்குப் பதிலாக, வீட்டு வைத்தியங்களைப் பயன்படுத்தலாம்.
நெய் அல்லது வெண்ணெய்: உதடு வெடிப்புக்கு நெய் அல்லது வெண்ணெய் மிகவும் பயனுள்ள தீர்வாக இருக்கும். இவை இயற்கையான ஈரப்பதத்தையும், உதடுகளின் வறட்சியைத் தணிக்கும் ஊட்டச்சத்துக்களையும் கொண்டுள்ளது. தூங்குவதற்கு முன், உங்கள் விரல்களால் உங்கள் உதடுகளில் சிறிதளவு நெய் அல்லது வெண்ணெயைத் தடவி, காலை வரை அப்படியே வைத்திருக்க வேண்டும். இதைத் தொடர்ந்து செய்வது, விரிசல் அடைந்த உதடுகளை குணப்படுத்தவும், படிப்படியாக மென்மையாகவும் பளபளப்பாகவும் மாற்ற உதவும்.
தேன்: தேன் உதடுகளுக்கு மிகவும் பயனுள்ள மருந்தாக சொல்கிறார்கள். தேனில் பாக்டீரியா எதிர்ப்பு, ஈரப்பதமூட்டும் பண்புகள் உள்ளன. அவை உதடுகளை தொற்றில் இருந்து பாதுகாக்கின்றன மற்றும் அவற்றை ஆழமாக வளர்க்கின்றன. ஒரு நாளைக்கு இரண்டு முறை அல்லது படுக்கைக்கு முன் உதடுகளில் தேன் தடவலாம். சில நாட்களில் உங்கள் உதடுகளில் வெடிப்பு உள்ள இடங்கள் சரியாகும். இயற்கையான நிரமும் திரும்பும்.
தேங்காய் எண்ணெய்: உதடு வெடிப்பு சரியாக தேங்காய் எண்ணெய்யைப் பயன்படுத்தலாம். இந்த எண்ணெயில் உள்ள இயற்கை கொழுப்புகள் உங்கள் உதடுகளை ஈரப்பதமாக வைத்திருக்கவும், குளிர்ந்த காற்றில் இருந்து பாதுகாக்கவும் உதவுகின்றன. வெளியே செல்வதற்கு முன் அல்லது படுக்கைக்குச் செல்வதற்கு முன் உங்கள் உதடுகளில் தேங்காய் எண்ணெய் பயன்படுத்துவது அவற்றை நீண்ட நேரம் பாதுகாக்க உதவும். அடிக்கடி உதடு வெடிப்பு உள்ளவர்களுக்கு இந்த தீர்வு மிகவும் பயனுள்ளதாக இருக்கும்.
சர்க்கரை, நெய் கலவை: உதடுகளிலிருந்து இறந்த சருமங்களை இயற்கையாக அகற்ற, சர்க்கரை மற்றும் நெய்யை கலந்து உதடுகளில் மெதுவாக தேய்க்கவும். வாரத்திற்கு ஒரு முறை அல்லது இரண்டு முறை இவ்வாறு செய்வதன் மூலம் உதடு தோல் உரிதல், விரிசல் மற்றும் வறண்ட சருமத்தை அகற்ற உதவுகிறது. புதிய சருமத்தின் வளர்ச்சியை ஊக்குவிக்கிறது.
இதையும் தவிர்த்துவிடாதீர்கள்: அடிக்கடி உதடுகளை நக்குவது, ரசாயன கலந்த லிப்ஸ்டிக் அல்லது லிப் பாம் அதிகமாகப் பயன்படுத்துவது, பாதுகாப்பு இல்லாமல் குளிர்ந்த காற்றில் வெளியே செல்வது ஆகியவை உங்கள் உதடு வெடிப்புக்கு காரணமாக இருக்கும். ஆகவே, இயற்கை வீட்டு வைத்தியம் மற்றும் பராமரிப்பை பின்பற்றுவதன் மூலம், குளிர்காலத்திலும் கூட உதடு வெடிப்புகளை எளிதில் தடுக்கலாம்.