நம் நாட்டின் முக்கிய வங்கிகளில் யூனியன் பேங்க் ஆஃப் இந்தியா மிக முக்கியமான ஒன்று. இந்த அரசு வங்கி, தனது வாடிக்கையாளர்களுக்கு நிலையான வைப்பு (Fixed Deposit) கணக்குகளில் சிறந்த வட்டியை வழங்குகிறது. யூனியன் வங்கி, வெவ்வேறு காலங்களுக்குத் திறக்கப்பட்ட FD கணக்குகளுக்கு 2.70 சதவீதம் முதல் 7.35 சதவீதம் வரையிலான மிக அதிக வட்டியை வழங்குகிறது. யூனியன் பேங்க் ஆஃப் இந்தியாவின் ஒரு FD திட்டத்தைப் பற்றி இங்கே பார்ப்போம். இதில் நீங்கள் வெறும் ரூ. 1 லட்சம் டெபாசிட் செய்வதன் மூலம் ரூ. 49,424 வரை பெரும் வட்டியைப் பெறலாம்.
இந்த வங்கியில் அதிகபட்சம் 10 ஆண்டுகள் வரை FD கணக்கைத் திறக்கலாம். யூனியன் பேங்க் ஆஃப் இந்தியா, 7 நாட்கள் முதல் 14 நாட்கள் வரையிலான கால அளவுகளைக் கொண்ட FD திட்டங்களுக்கு 2.70 சதவீதம் என்ற மிகக் குறைந்த வட்டி விகிதத்தை வழங்குகிறது. இந்த வங்கி, 3 ஆண்டுகள் முதல் 10 ஆண்டுகள் வரையிலான கால அளவு கொண்ட FD திட்டங்களுக்கு 6.00 சதவீதம் முதல் 6.75 சதவீதம் வரையிலான வட்டி விகிதங்களை வழங்குகிறது.
இது தவிர 444 நாட்கள் கொண்ட சிறப்பு FD திட்டத்தில் 6.60 சதவீதம் முதல் 7.35 சதவீதம் வரையிலான மிக உயர்ந்த வட்டி விகிதத்தை வழங்குகிறது. நீங்கள் ஒரு சாதாரண குடிமகனாக இருந்து, யூனியன் பேங்க் ஆஃப் இந்தியாவில் 6 ஆண்டு FDயில் 1 லட்சம் டெபாசிட் செய்தால், முதிர்வு காலத்தில் மொத்தமாக ரூ.1,42,950 பெறுவீர்கள், இதில் ரூ.42,950 நிலையான வட்டியும் அடங்கும். நீங்கள் ஒரு மூத்த குடிமகனாக இருந்து, யூனியன் பேங்க் (Union Bank) ஆஃப் இந்தியாவில் 6 ஆண்டு FD-யில் 1 லட்சம் டெபாசிட் செய்தால், முதிர்வு காலத்தில் மொத்தமாக ரூ.1,47,236 பெறுவீர்கள், இதில் ரூ.47,236 நிலையான வட்டியும் அடங்கும்.
அதேபோல், நீங்கள் ஒரு மிக மூத்த குடிமகனாக இருந்து, யூனியன் பேங்க் ஆஃப் இந்தியாவில் 6 வருட நிலையான வைப்புத்தொகையாக 1 லட்சம் டெபாசிட் செய்தால், முதிர்வுத் தொகையாக ரூ. 49,424 நிலையான வட்டியுடன் சேர்த்து மொத்தம் ரூ. 1,49,424 பெறுவீர்கள்.