திமுக கூட்டணியின் 32 எம்.பி.க்கள் உட்பட 57 தமிழக எம்.பி.க்களுக்கும் விஜய் அழைப்பு!

Published On: 6 Aug 2026, 7:44 PM

| By Mathi

CM Vijay Invites All 57 Tamil Nadu MPs, Including 32 from DMK Alliance

தொகுதி மறுவரையறை தொடர்பாக ஆலோசனை நடத்த தமிழ்நாட்டின் 57 எம்.பி.க்களுக்கும் முதல்வர் விஜய் அழைப்பு விடுத்துள்ளார்.

இது தொடர்பாக தமிழக அரசு இன்று வெளியிட்ட செய்திக் குறிப்பு:

ஒன்றிய அரசு, தொகுதிகளை மறுவரையறை செய்ய உத்தேசித்து அதற்கான நடவடிக்கைகளை மேற்கொண்டு வருகிறது.

இந்நிலையில், தமிழ்நாடு முதலமைச்சர் ச. ஜோசப் விஜய் தலைமையில், ஒன்றிய அரசால் மேற்கொள்ள உத்தேசித்துக்கப்பட்டுள்ள தொகுதி மறுவரையரைப் பணிகள் மற்றும் அதனால் தமிழ்நாட்டிற்கு ஏற்படும் தாக்கங்கள் குறித்து, தமிழ்நாட்டைச் சேர்ந்த நாடாளுமன்ற உறுப்பினர்களின் (மக்களவை மற்றும் மாநிலங்களவை) கலந்தாய்வுக் கூட்டம் 8.8.2026 (சனிக்கிழமை) அன்று பிற்பகல் 3.00 மணிக்கு, சென்னை, சேப்பாக்கம், கலைவாணர் அரங்கத்தின் கூட்டரங்கில் (3-ஆம் தளம்) நடத்திட ஏற்பாடு செய்யப்பட்டுள்ளது.

இக்கூட்டத்திற்கான அழைப்பிதழ் புதுதில்லியுள்ள தமிழ்நாடு இல்லத்தின் மூலம் தமிழ்நாட்டைச் சேர்ந்த அனைத்து மக்களவை மற்றும் மாநிலங்களவை உறுப்பினர்களுக்கு அனுப்பப்பட்டு வருகிறது. இவ்வாறு தமிழ்நாடு அரசு தெரிவித்துள்ளது.

திமுக கூட்டணியின் 32 எம்.பி.க்கள்

திமுக கூட்டணியில் மக்களவையில் திமுகவுக்கு 22 எம்.பிக்களும் மாநிலங்களவையில் 8 எம்.பிக்களும் உள்ளனர். மாநிலங்களவையில் திமுகவின் கூட்டணி கட்சிகளான தேமுதிக, மநீமவுக்கு தலா 1 எம்.பி உள்ளனர். நாடாளுமன்றத்தில் திமுக கூட்டணிக்கு மொத்தம் 32 எம்.பிக்கள் உள்ளனர்.