வங்கி வேலைக்கு சிபில் ஸ்கோர் கட்டாயமா? மத்திய அரசின் புதிய வழிகாட்டுதல் விளக்கம்!

By Santhosh Raj Saravanan

|

Published on 20 Mar 2026, 9:46 PM

cibil score bank jobs new guidelines india

பொதுத்துறை வங்கிகளில் வேலை பெற விரும்பும் விண்ணப்பதாரர்களுக்கு சிபில் ஸ்கோர் (Cibil Score) குறித்து புதிய விளக்கம் மத்திய அரசால் வழங்கப்பட்டுள்ளது. வங்கி வேலைக்கு விண்ணப்பிக்க சிபில் ஸ்கோர் கட்டாயமில்லை என்றாலும், பணியில் சேரும் போது நல்ல கிரெடிட் வரலாறு (Credit History) முக்கியமாக பார்க்கப்படும் என்று தெரிவிக்கப்பட்டுள்ளது.

விண்ணப்பிக்க சிபில் ஸ்கோர் (CIBIL score) தேவையில்லை

மத்திய நிதித்துறை தெரிவித்ததன் படி வங்கி வேலைக்கு விண்ணப்பிக்கும் போது அல்லது தேர்வு எழுதும் போது சிபில் ஸ்கோர் கட்டாய நிபந்தனை அல்ல என்று தெளிவுபடுத்தப்பட்டுள்ளன.

ADVERTISEMENT

அதாவது, கிரெடிட் ஹிஸ்டரி இல்லாதவர்களும் அல்லது புதிய விண்ணப்பதாரர்களும் தேர்வில் கலந்து கொள்ளலாம், ஆனால் சேரும் போது முக்கியம். இருப்பினும், தேர்வில் தேர்ச்சி பெற்ற பிறகு பணியில் சேரும் நேரத்தில் நல்ல கிரெடிட் வரலாறு இருக்க வேண்டும். சிபில் ஸ்கோர் குறைவாக இருந்தால் அல்லது கடன் தவறுகள் இருந்தால், அது வேலை வாய்ப்பை பாதிக்கலாம் என்று மத்திய அரசு விளக்கம் அளித்துள்ளது. இந்த விதி ஐபிபிஎஸ் மூலம் நடைபெறும் ஆட்சேர்ப்புகளுக்கும் பொருந்தும்.

ஏன் இந்த விதி?

வங்கிகளில் பணிபுரிபவர்கள்:

ADVERTISEMENT
  • பொதுமக்களின் பணத்தை கையாள வேண்டும்
  • கடன் வழங்கல், கணக்கு பராமரிப்பு போன்ற பணிகளில் ஈடுபட வேண்டும்

எனவே:

  • நிதி ஒழுங்கு (ஃபைனான்ஷியல் டிஸிப்ளின்)
  • கடன் செலுத்தும் பழக்கம்

போன்ற அம்சங்களை உறுதி செய்ய இந்த நடைமுறை கொண்டு வரப்பட்டுள்ளது.

ADVERTISEMENT

எத்தனை பேருக்கு பாதிப்பு?

அரசு தரப்பில் வெளியிடப்பட்ட தகவலின்படி, கடந்த சில ஆண்டுகளில், மிகவும் குறைந்த எண்ணிக்கையிலான விண்ணப்பதாரர்களின் வேலை வாய்ப்பு மட்டும் சிபில் காரணமாக பாதிக்கப்பட்டுள்ளது. இது மொத்த தேர்வர்களில் மிகச் சிறிய சதவீதம் மட்டுமே என்று கூறப்பட்டுள்ளது.

முக்கிய விளக்கம்

இந்த புதிய வழிகாட்டுதலின் அடிப்படையில்:

  • சிபில் ஸ்கோர் இல்லாததால் விண்ணப்பிக்க தடை இல்லை
  • ஆனால் பணியில் சேரும்போது கிரெடிட் நிலை பரிசீலிக்கப்படும்
  • கடன் தவறுகள் இருந்தால் வேலை பாதிக்க வாய்ப்பு உள்ளது

வங்கி வேலைக்கு தயாராகும் மாணவர்கள் மற்றும் இளைஞர்கள் தங்கள் கிரெடிட் ஹிஸ்டரியை சரியாக பராமரிக்க வேண்டும் என்று நிபுணர்கள் அறிவுறுத்துகின்றனர்.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel