வங்கிகளில் 10 லட்சம் ரூபாய்க்கு மேல் பரிவர்த்தனை செய்தால் 85 சதவீதம் வரி விதிக்கப்படும் என்று சமூக வலைதளங்களில் ஒரு செய்தி வைரலாகப் பரவி வருகிறது. இந்த செய்தி தவறானது என PIB (Press Information Bureau) அமைப்பு உறுதி செய்துள்ளது. வருமான வரி என்பது வருமானத்தின் மீதுதான் விதிக்கப்படுகிறது, பரிவர்த்தனைகளின் மீது அல்ல என்றும், 10 லட்சத்துக்கு மேல் வங்கிப் பரிவர்த்தனை செய்தால் 85% வரி விதிக்கப்படும் என்பதற்கு வருமான வரிச் சட்டத்தில் எந்த விதியும் இல்லை என்றும் PIB தெரிவித்துள்ளது.
PIB Factcheck தனது X பக்கத்தில், “Instagram reel மூலம் ‘manjju.choudhary’ என்ற கணக்கு, 10 லட்சத்துக்கு மேல் வங்கிப் பரிவர்த்தனை செய்தால் 85% வரி விதிக்கப்படும் என்று தவறான தகவலைப் பரப்பி வருகிறது. இது உண்மை இல்லை” என்று தெரிவித்துள்ளது. மேலும், “வருமான வரி என்பது உங்கள் வருமானத்தின் மீதுதான் விதிக்கப்படும். வங்கிப் பரிவர்த்தனைகளின் மீது அல்ல. 10 லட்சத்துக்கு மேல் வங்கிப் பரிவர்த்தனை செய்தால் 85% வரி விதிக்கப்படும் என்பதற்கு வருமான வரிச் சட்டத்தில் எந்த விதியும் இல்லை. இதுபோன்ற தவறான தகவல்களை நம்ப வேண்டாம். அதிகாரப்பூர்வமான தகவல்களுக்கு மட்டுமே முக்கியத்துவம் கொடுங்கள்” என்று PIB வலியுறுத்தியுள்ளது.
இதுபோன்ற சந்தேகத்திற்கிடமான செய்திகள் வந்தால், அதன் உண்மைத்தன்மையை நீங்கள் சரிபார்த்துக் கொள்ளலாம். அதற்கு, அந்தச் செய்தியை PIB Factcheck-க்கு அனுப்பலாம். நீங்கள் மூல்ம் +918799711259 என்ற எண்ணுக்கு அனுப்பி உண்மைத்தன்மையை அறியலாம். அல்லது pibfactcheck@gmail.com என்ற மின்னஞ்சல் முகவரிக்கும் உங்கள் செய்தியை அனுப்பலாம். PIB Factcheck-ன் தகவல்கள் அவர்களின் இணையதளத்திலும் கிடைக்கின்றன.
வருமான வரி என்பது ஒரு நபர் சம்பாதிக்கும் பணத்தின் மீது விதிக்கப்படும் ஒரு கட்டணம். இது ஒரு குறிப்பிட்ட வரம்புக்கு மேல் இருந்தால் மட்டுமே பொருந்தும். வங்கிப் பரிவர்த்தனைகள் என்பது பணத்தை ஒரு கணக்கிலிருந்து மற்றொரு கணக்கிற்கு மாற்றுவது. இதற்கு நேரடியாக வரி விதிக்கப்படுவதில்லை. சில பெரிய தொகைப் பரிவர்த்தனைகளுக்கு வருமான வரிச் சட்டத்தின் கீழ் சில விதிமுறைகள் இருக்கலாம். ஆனால், அது 85% வரி என்ற அளவுக்கு இல்லை.
எனவே, சமூக வலைதளங்களில் வரும் இதுபோன்ற பரபரப்பான செய்திகளை உடனே நம்பிவிடாமல், அதன் உண்மைத்தன்மையை PIB போன்ற அதிகாரப்பூர்வ அமைப்புகள் மூலம் உறுதி செய்து கொள்வது மிகவும் அவசியம். இது உங்களை தேவையற்ற குழப்பங்களில் இருந்தும், ஏமாற்றங்களில் இருந்தும் பாதுகாக்கும்.