திமுக ஆட்சியில் நகராட்சி நிர்வாகத் துறையில் பணி நியமனங்களில் முறைகேடுகள் நடைபெற்றதாகக் கூறப்படும் விவகாரத்தில், லஞ்ச ஒழிப்புத் துறை வழக்குப் பதிவு செய்ய உத்தரவிட்டதை மறுஆய்வு செய்யக் கோரி திமுக முன்னாள் அமைச்சர் கே.என்.நேரு தாக்கல் செய்த மனு மீது சென்னை உயர் நீதிமன்றம் நாளை (அக்டோபர் 9) தீர்ப்பு வழங்க உள்ளது.
கடந்த திமுக ஆட்சிக் காலத்தில் நகராட்சி நிர்வாகம் மற்றும் குடிநீர் வழங்கல் துறையில் டெண்டர்கள் ஒதுக்கியதிலும், பணி நியமனங்கள் மேற்கொண்டதிலும் முறைகேடுகள் நடைபெற்றதாக கூறி தமிழக டிஜிபிக்கு அமலாக்கத் துறை கடிதம் அனுப்பியிருந்தது.
அந்தக் கடிதத்தின் அடிப்படையில் முன்னாள் அமைச்சர் கே.என்.நேரு உள்ளிட்டோர் மீது வழக்குப் பதிவு செய்து விசாரணை நடத்த உத்தரவிட வேண்டும் என்று அதிமுகவைச் சேர்ந்த இன்பதுரை சென்னை உயர் நீதிமன்றத்தில் மனுத் தாக்கல் செய்தார்.
இந்த உத்தரவை மறுஆய்வு செய்யக் கோரி முன்னாள் அமைச்சர் கே.என்.நேரு சென்னை உயர் நீதிமன்றத்தில் மனுத் தாக்கல் செய்தார்.
இந்த மறுஆய்வு மனு மீதான வாதங்கள் நிறைவடைந்ததைத் தொடர்ந்து, சென்னை உயர் நீதிமன்றம் தீர்ப்பை ஒத்திவைத்திருந்தது.
இந்த நிலையில், இவ்வழக்கில் சென்னை உயர் நீதிமன்றத் தலைமை நீதிபதி தர்மாதிகாரி, நீதிபதி ஜி.அருள் முருகன் ஆகியோர் அடங்கிய அமர்வு நாளை (அக்டோபர் 9) தீர்ப்பு வழங்க உள்ளது.
