உடல் எடையை குறைப்பதற்கான வழிகளைப் பற்றி அதிகம் பேசப்படும் நிலையில், எடை குறைவாக இருப்பவர்களுக்கு அதை ஆரோக்கியமான முறையில் அதிகரிப்பதும் ஒரு சவால்தான்.
குறிப்பாக திடீரென உடல் எடை குறைந்திருந்தால், உணவுப் பழக்கத்தை மட்டும் மாற்றாமல் அதற்கான காரணத்தையும் கண்டறிவது அவசியம். பெரியவர்களில் BMI 18.5-க்கும் குறைவாக இருந்தால் எடை குறைவாக இருப்பதாகக் கருதப்படுகிறது.
அடிக்கடி சிறிது சிறிதாக சாப்பிடுங்கள்
ஒரே நேரத்தில் அதிக உணவை சாப்பிட முடியாதவர்கள், நாளில் 5 முதல் 6 முறை சிறிய அளவில் உணவு எடுத்துக்கொள்ளலாம். பசி இல்லாவிட்டாலும் திட்டமிட்டு உணவு சாப்பிடும் பழக்கம் சிலருக்கு உதவக்கூடும்.
கலோரி மட்டுமல்ல… சத்தும் முக்கியம்!
எடை அதிகரிக்க வேண்டும் என்பதற்காக இனிப்பு, குளிர்பானம், துரித உணவு போன்றவற்றை அதிகமாக சாப்பிடுவது சரியான வழியல்ல. அதற்கு பதிலாக, சத்துக்கள் நிறைந்த அதிக கலோரி உணவுகளை தேர்வு செய்ய வேண்டும்.
முழுத்தானிய உணவுகள், பால், நட்ஸ், நட் பட்டர் போன்றவற்றை வழக்கமான உணவில் சேர்க்கலாம். சூப், மசித்த உருளைக்கிழங்கு உள்ளிட்ட உணவுகளில் பால் அல்லது பால் பவுடர் சேர்ப்பதும் கூடுதல் புரதம் மற்றும் கலோரிகளைப் பெற உதவும்.
ஸ்மூத்தி, ஷேக் உதவும்
பசி குறைவாக இருப்பவர்களுக்கு ஊட்டச்சத்து நிறைந்த ஸ்மூத்தி அல்லது ஷேக் ஒரு எளிய வழியாக இருக்கலாம். ஆனால் குறைந்த ஊட்டச்சத்து கொண்ட பானங்களை வைத்து கலோரிகளை அதிகரிப்பதை தவிர்ப்பது நல்லது.
திடீர் எடை குறைந்தால் கவனம்!
எதிர்பாராத விதமாக உடல் எடை குறைந்திருந்தால், அதை சாதாரணமாக எடுத்துக்கொள்ளக்கூடாது. மருத்துவர் அல்லது உணவியல் நிபுணரை அணுகி காரணத்தை தெரிந்துகொள்வது முக்கியம். மேலும், strength training போன்ற உடற்பயிற்சிகள் தசை வளர்ச்சியுடன் ஆரோக்கியமான எடை அதிகரிப்புக்கும் உதவக்கூடும்.
