ஊற வைத்த உலர் திராட்சை (Raisins) சாப்பிடுவதால் ஏற்படும் ஆரோக்கிய நன்மைகள் குறித்து விரிவாக பார்க்கலாம்.
நம் அனைவருக்கும் தினசரி காலை ஆரோக்கியமான பழக்கத்துடன் தொடங்க வேண்டும் என்ற எண்ணம் இருக்கும். உங்களின் ஒரு நாளை ஆரோக்கியமான பழக்கத்துடன் தொடங்க விரும்பினால், ஊறவைத்த உலர் திராட்சை (Raisins) அதன் தண்ணீர் சிறந்த தேர்வாக இருக்கும். உலர் திராட்சையில் பல அத்தியாவசிய ஊட்டச்சத்துக்கள் உள்ளன. இது அவற்றை ஒரு சமச்சீர் உணவின் சத்தான பகுதியாக ஆக்குகிறது. ஊறவைத்த உலர் திராட்சை சாப்பிடுவதால் ஏற்படும் நன்மைகள் குறித்து விரிவாக பார்க்கலாம்.
செரிமானத்துக்கு நன்மை அளிக்கிறது
காலையில் வெறும் வயிற்றில் ஊறவைத்த உலர் திராட்சையைச் சாப்பிடுவது செரிமான அமைப்புக்கு (Digestive) நேரடியாக நன்மை அளிக்கிறது. உலர் திராட்சையில் உள்ள நார்ச்சத்து மலத்தை மென்மையாக்கி மலச்சிக்கலை சரி செய்ய உதவுகிறது. தினமும் காலையில் ஊறவைத்த உலர் திராட்சை உட்கொள்வது வயிற்றைச் சுத்தப்படுத்தவும் உதவுகிறது.
ஹீமோகுளோபின் உற்பத்திக்கு உதவுகிறது
உலர் திராட்சை நம் உடலில் ஹீமோகுளோபின் உற்பத்திக்கு (Hemoglobin Increase) அவசியமான இரும்புச்சத்தின் சிறந்த ஆதாரமாகக் கருதப்படுகிறது. ஹீமோகுளோபின், ரத்தத்தின் வழியாக உடலின் பல்வேறு பாகங்களுக்கு ஆக்ஸிஜனைக் கொண்டு செல்கிறது. இரும்புச்சத்து குறைபாடு சோர்வு, பலவீனம் மற்றும் தலைச்சுற்றலுக்கு வழிவகுக்கும். இதுபோன்ற சமயங்களில் உலர் திராட்சையை உட்கொள்வது மிகவும் நன்மை பயக்கும். இதன்மூலம் ஹீமோகுளோபின் அளவும் அதிகரிக்கிறது.
எலும்புகளுக்கு ஊட்டம் அளிக்கிறது
ஊறவைத்த உலர் திராட்சையில் கால்சியம், போரான் மற்றும் எலும்பு ஆரோக்கியத்திற்கு நன்மை பயக்கும் பிற அத்தியாவசிய தாதுக்கள் உள்ளன. வலுவான எலும்புகள் மற்றும் பற்களைப் பராமரிப்பதில் கால்சியம் (bone health improvement) முக்கிய பங்கு வகிக்கிறது. அதே நேரத்தில் போரான் கால்சியம் மற்றும் வைட்டமின் டி-யை உடல் சிறப்பாக உறிஞ்சுவதற்கு உதவுகிறது. உலர் திராட்சையை மிதமான அளவில் தவறாமல் எடுத்துக்கொள்வது நீண்ட கால எலும்பு ஆரோக்கியத்தைப் பராமரிக்க உதவும்.
சருமத்தை பாதுகாக்க உதவுகிறது
ஊறவைத்த உலர் திராட்சையில் ஆன்டிஆக்ஸிடன்ட்கள், வைட்டமின்கள் மற்றும் தாதுக்கள் உள்ளன. இவை ஃப்ரீ ரேடிக்கல்களால் ஏற்படும் சேதத்திலிருந்து நமது உடல் செல்களைப் பாதுகாக்க (protect the skin) உதவுகின்றன. இது சருமத்தின் இயற்கையான பொலிவைப் பராமரிக்கவும், இளவயதில் சுருக்கங்கள் ஏற்படும் அபாயத்தைக் குறைக்கவும் உதவும். மேலும், ஊறவைத்த உலர் திராட்சையில் உள்ள இரும்புச்சத்து முடி வேர்களுக்கு ஊட்டமளித்து, அவற்றை வலுவாகவும் ஆரோக்கியமாகவும் வைத்திருக்க உதவுகின்றன.
இதய ஆரோக்கியத்திற்கு நன்மை அளிக்கிறது
ஊறவைத்த உலர் திராட்சை இதய ஆரோக்கியத்திற்கு மிகவும் நன்மை பயக்கும் என்றும் கருதப்படுகிறது. அவற்றில் பொட்டாசியம் மற்றும் ஆன்டிஆக்ஸிடன்ட்கள் போன்ற அத்தியாவசிய (Benefits heart health) ஊட்டச்சத்துக்கள் உள்ளன. பொட்டாசியம், உடலில் உள்ள உப்பின் (சோடியம்) விளைவுகளைச் சமநிலைப்படுத்த உதவுகிறது, இது ரத்த அழுத்தத்தைக் கட்டுப்படுத்த உதவும். ஆன்டிஆக்ஸிடன்ட்கள் உடல் செல்களை சேதத்திலிருந்து பாதுகாத்து, ஆரோக்கியமான இரத்த நாளங்களைப் பராமரிக்கின்றன.
ஊறவைத்த உலர் திராட்சை நிச்சயமாக உடல் நலத்திற்கு நன்மை பயக்கும், ஆனால் அவற்றை எப்போதும் அளவோடுதான் உட்கொள்ள வேண்டும்.ஆலோசனையின்படி மட்டுமே அவற்றை தங்கள் உணவில் சேர்த்துக்கொள்ள வேண்டும்
