தமிழகத்தில் தாராபுரம், மதுராந்தகம் ஆகிய 2 தொகுதிகளிலும் அதிமுக 3ஆவது இடத்திற்குத் தள்ளப்பட்டுள்ளது.
தமிழகத்தில் காலியாக உள்ள மதுராந்தகம் மற்றும் தாராபுரம் தொகுதிகளில் கடந்த 6ஆம் தேதி வாக்குப்பதிவு நடைபெற்றது. இந்நிலையில், இன்று காலை 8 மணிக்குத் தொடங்கி வாக்கு எண்ணிக்கை நடைபெற்று வருகிறது. இரண்டு தொகுதிகளிலும் தவெக முன்னிலையில் உள்ளது.
தாராபுரம் தொகுதியில் 13வது சுற்று வாக்கு எண்ணிக்கை நிலவரப்படி, தவெக 37,944 வாக்குகளுடன் முன்னிலையில் உள்ளது. திமுக 31,043 வாக்குகள் பெற்று இரண்டாவது இடத்திலும், அதிமுக 26,266 வாக்குகளைப் பெற்று மூன்றாவது இடத்திலும் உள்ளது.
இதேபோல், மதுராந்தகம் தொகுதியில் 10ஆவது சுற்று வாக்கு எண்ணிக்கை நிலவரப்படி, தவெக 38,128 வாக்குகளுடன் முதலிடத்தில் உள்ளது. திமுக 25,354 வாக்குகளைப் பெற்று இரண்டாவது இடத்திலும், அதிமுக 21,537 வாக்குகளைப் பெற்று மூன்றாவது இடத்திலும் உள்ளது.
கடந்த சட்டமன்றத் தேர்தலில் மதுராந்தகம், தாராபுரம் ஆகிய இரண்டு தொகுதிகளிலும் அதிமுக வெற்றி பெற்றிருந்த நிலையில், தற்போதைய சூழலில் அது 3ஆவது இடத்திற்குத் தள்ளப்பட்டுள்ளது குறிப்பிடத்தக்கது.
