வெற்றியை அடைய கடின உழைப்பு மட்டும் போதுமா? வரலாற்றில் தனித்துவமான தாக்கத்தை ஏற்படுத்திய சிலரின் வாழ்க்கையைப் பார்த்தால், அவர்களின் சிந்தனை முறையும் வெற்றியில் முக்கியப் பங்கு வகித்திருப்பது தெரிகிறது. நிக்கோலா டெஸ்லா முதல் விக்டர் பிராங்கல் வரை ஐந்து பேரின் சிந்தனைகளில் இருந்து கற்றுக்கொள்ளக்கூடிய முக்கியமான விஷயங்கள் இதோ.
நிக்கோலா டெஸ்லா – ஆழ்ந்த ஈடுபாடு
புகழ்பெற்ற கண்டுபிடிப்பாளர் நிக்கோலா டெஸ்லா தனது பணியில் முழுமையான கவனத்தை செலுத்தியவர் என குறிப்பிடப்படுகிறார். எந்தவொரு வேலையாக இருந்தாலும் கவனச்சிதறல்களைத் தவிர்த்து, அதில் முழு ஈடுபாட்டுடன் செயல்படுவது வெற்றிக்கு உதவும் என்ற பாடத்தை அவரது வாழ்க்கை எடுத்துக்காட்டுகிறது.
நிக்கோலோ மாக்கியவெல்லி – உணர்ச்சிகளைக் கட்டுப்படுத்துதல்
அரசியல் சிந்தனையாளரான நிக்கோலோ மாக்கியவெல்லி, கடினமான சூழ்நிலைகளில் உணர்ச்சிகளுக்கு இடம் கொடுக்காமல் அறிவுப்பூர்வமாகச் சிந்திப்பதன் முக்கியத்துவத்தை உணர்த்துகிறார். ஒரு முடிவை எடுப்பதற்கு முன் சிறிது நேரம் அமைதியாக யோசிப்பது அவசர முடிவுகளைத் தவிர்க்க உதவும்.
ஸ்டீவ் ஜாப்ஸ் – நம்பிக்கையின் வலிமை
ஆப்பிள் நிறுவனத்தின் இணை நிறுவனர் ஸ்டீவ் ஜாப்ஸ், சாத்தியமற்றதாகத் தோன்றிய விஷயங்களையும் நம்பிக்கையுடன் அணுகியவர். தன்னம்பிக்கையுடன் ஒரு இலக்கை நோக்கிச் செல்வது முயற்சிக்கு கூடுதல் வலிமை தரும்.
சன் சூ – முன்கூட்டியே திட்டமிடுதல்
போர் வியூக நிபுணரான சன் சூ, ஒரு செயலைத் தொடங்குவதற்கு முன்பே அதன் முடிவுகளையும் சாத்தியமான சூழ்நிலைகளையும் கணித்து திட்டமிடுவதன் முக்கியத்துவத்தை வலியுறுத்துகிறார். தெளிவான திட்டமிடல் செயல்பாட்டில் குழப்பத்தை குறைக்க உதவும்.
விக்டர் பிராங்கல் – சூழ்நிலையை அணுகும் விதம்
மனநல மருத்துவரும் எழுத்தாளருமான விக்டர் பிராங்கல், நமக்கு நேரிடும் ஒவ்வொரு சூழ்நிலையையும் மாற்ற முடியாவிட்டாலும், அதற்கு நாம் எப்படி பதிலளிக்கிறோம் என்பதைத் தேர்வு செய்ய முடியும் என்ற கருத்தை முன்வைத்தார். கடினமான நேரங்களிலும் மனநிலையை சமநிலையில் வைத்திருப்பது முக்கியம்.
