உடல் சோர்வில்லாமல் நீண்ட நேரம் செயல்பட வேண்டுமென்றால், ஒரே நாளில் கடுமையான உடற்பயிற்சியைத் தொடங்குவது தீர்வாக இருக்காது.
தொடர்ந்து செய்யக்கூடிய உடற்பயிற்சி, சரியான உணவு மற்றும் போதுமான ஓய்வு ஆகியவை உடல் சகிப்புத்தன்மையை படிப்படியாக மேம்படுத்த உதவும். உடற்பயிற்சி நிபுணர்களின் பரிந்துரைகளும் இதையே வலியுறுத்துகின்றன.
கார்டியோ பயிற்சியை வழக்கமாக்குங்கள்
நடைப்பயிற்சி, சைக்கிளிங், நீச்சல் போன்ற கார்டியோ பயிற்சிகள் இதயத்தின் செயல்பாட்டை மேம்படுத்தவும், உடல் அதிக நேரம் சோர்வில்லாமல் இயங்கவும் உதவும்.
ஆரம்பத்தில் குறைந்த நேரத்துக்கு செய்து, பின்னர் வேகத்தையும் நேரத்தையும் படிப்படியாக அதிகரிப்பது நல்லது.
புதியதாக உடற்பயிற்சி தொடங்குபவர்கள், தங்களால் தொடர்ந்து செய்ய முடியும் அளவிலான இலக்கை முதலில் வைத்துக்கொள்ளலாம்.
வலிமை பயிற்சியையும் சேர்க்கலாம்
ஸ்டாமினா என்பது ஓடுவதற்கான திறன் மட்டும் அல்ல. உடல் தசைகளின் வலிமையும் அதில் முக்கிய பங்கு வகிக்கிறது. Squats, lunges, push-ups போன்ற அடிப்படை பயிற்சிகளை முறையாகச் செய்வது உடல் வலிமையை அதிகரிக்க உதவும்.
உடற்பயிற்சியின் தீவிரத்தை ஒரே நேரத்தில் அதிகரிக்காமல், உடலின் நிலைக்கு ஏற்ப மாற்றிக் கொள்வது அவசியம்.
குறைந்த தாக்கம் கொண்ட பயிற்சிகளும் பயன்தரும்
ஓடுவது அல்லது குதிப்பது மட்டுமே நல்ல ஸ்டாமினாவை உருவாக்கும் என்றில்லை. நடைப்பயிற்சி, உட்புற சைக்கிளிங், rowing போன்ற குறைந்த தாக்கம் கொண்ட பயிற்சிகளும் சகிப்புத்தன்மையை மேம்படுத்த உதவும். மூட்டுகளில் அதிக அழுத்தம் ஏற்படக்கூடியவர்களுக்கு இவை மாற்று வழிகளாக இருக்கலாம்.
முக்கியம்… தொடர்ந்து செய்வதுதான்!
ஒரு சில நாட்கள் மட்டும் கடுமையாக உடற்பயிற்சி செய்வதைவிட, நீண்ட காலம் தொடர்ந்து செய்யக்கூடிய அட்டவணையை உருவாக்குவது முக்கியம். தினசரி வாழ்க்கையில் உடற்பயிற்சிக்கென நேரத்தை ஒதுக்கி, சிறிய இலக்குகளில் தொடங்கி படிப்படியாக முன்னேறலாம்.
உடற்பயிற்சியுடன் போதுமான ஓய்வு, சரிவிகித உணவு மற்றும் தண்ணீர் உட்கொள்ளுதலையும் கவனிப்பது உடல் செயல்திறனை மேம்படுத்த உதவும்.
