தமிழக அரசு தலைமை குற்றவியல் வழக்கறிஞராக ஜான் சத்யன் நியமனம்

By Pandeeswari Gurusamy

|

Published on 18 May 2026, 9:37 AM

Tamilnadu

தமிழ்நாடு அரசின் சார்பில் சென்னை உயர் நீதிமன்றம் மற்றும் உயர் நீதிமன்ற மதுரை கிளையில் நடைபெறும் வழக்கு களில் ஆஜராகி வாதிட 2 கூடுதல் தலைமை வழக்கறிஞர்கள் மற்றும் மாநில அரசு தலைமை குற்றவியல் வழக்கறிஞரை நியமித்து தமிழக அரசு உத்தரவிட்டுள்ளது.

தமிழகத்தில் தவெக தலைவர் விஜய் தலைமையில் புதிய அரசு அமைந்துள்ளது. கடந்த மே 10ம் தேதி விஜய் தமிழக முதல்வராக பதவியேற்றார்.

ADVERTISEMENT

தமிழகத்தில் ஆட்சி மாற்றம் ஏற்பட்டதைத் தொடர்ந்து, அரசு தலைமை வழக்கறிஞராக இருந்த பி.எஸ்.ராமன் ராஜினாமா செய்தார். அதேபோல, அரசு தரப்பின் பல்வேறு வழக்கறிஞர்களும் தங்கள் பதவிகளை ராஜினாமா செய்தனர்.

இதையடுத்து, அந்தப் பதவி களுக்கு புதியவர்கள் நியமனம் செய்யப்பட்டு வருகின்றனர். அந்தவகையில் சென்னை உயர் நீதிமன்றத்தில் தமிழக அரசின் தலைமை வழக்கறிஞராக விஜய் நாராயண் ஏற்கெனவே நியமிக்கப்பட்டுள்ளார்.

ADVERTISEMENT

இதையடுத்து அவருடைய பரிந்துரை அடிப்படையில் சென்னை உயர் நீதிமன்றம் மற்றும் உயர் நீதி மன்ற மதுரை கிளையில் தமிழக அரசு தரப்பில் வழக்குகளில் ஆஜராகி, வாதங்களை முன் வைக்க மூத்த வழக்கறிஞர்கள் பி. வி.பாலசுப்பிரமணியம், டி.கவுதமன் ஆகியோரை கூடுதல் அரசு தலைமை வழக்கறிஞர்
கள் அந்தஸ்தில் நியமித்து தமிழக அரசு உத்தரவிட்டுள்ளது.

அதேபோல மாநில அரசு தலைமை குற்றவியல் வழக்கறிஞராக மூத்த வழக்கறிஞர் ஜான் சத்யனை நியமித்தும் தமிழ்நாடு அரசு நியமித்துள்ளது.

ADVERTISEMENT

புதிதாக நியமிக்கப்பட்ட வழக்கறிஞர்கள் அரசு தலைமை வழக்கறிஞர் விஜய் நாராயணை சந்தித்து வாழ்த்து பெற்றனர்.

தவெக அரசு சார்பில் நியமிக்கப்பட்ட விஜய் நாராயணன் அதி​முக ஆட்​சி​யில் 2017 முதல் 2021 வரை தலைமை அரசு வழக்​கறிஞ​ராக இருந்​தார். பாலசுப்​பிரமணி​யம், கவுதமன் ஆகியோ​ரும் அதி​முக ஆட்​சி​யில் கூடு​தல் அட்​வகேட் ஜெனரல்​களாக இருந்​தனர். அதி​முக ஆட்​சி​யில் அரசு வழக்​கறிஞர்​களாக இருந்​தவர்​களை, தவெக ஆட்​சி​யிலும் அரசு வழக்​கறிஞர்​களாக நியமித்துள்ளது தவெக வழக்​கறிஞர்​களிடையே கடும் அதிருப்​தியை ஏற்​படுத்​தி​யுள்ளதாக தகவல்கள் வெளியாகி உள்ளது.

யார் இந்த ஜான் சத்யன்

சென்னை உயர் நீதிமன்றத்தில் அரசு தலைமை குற்றவியல் வழக்குரைஞராக நியமிக்கப்பட்டுள்ள ஜான் சத்யன், சில ஆண்டுகளுக்கு முன்பு, உச்ச நீதிமன்ற கொலிஜியத்தால், உயர் நீதிமன்ற நீதிபதியாக பரிந்துரைக்கப்பட்டார். ஆனால், அவரது பெயரை மத்திய அரசு ஏற்கவில்லை என்பது குறிப்பிடத்தக்கது.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Pandeeswari Gurusamy

ஊடகத்துறையில் கடந்த 2010-ஆம் ஆண்டு முதல் பணியாற்றி வரும் பாண்டீஸ்வரி குருசாமி, 'தீக்கதிர்' நாளிதழ் & இணையதளம் மற்றும் 'இந்துஸ்தான் டைம்ஸ் தமிழ்' ஆகிய நிறுவனங்களில் பணியாற்றியவர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel