கோடை விடுமுறை ஸ்டார்ட்… மீண்டும் பள்ளிகள் திறப்பு எப்போது?

கோடை விடுமுறை முடிந்து மீண்டும் பள்ளிகள் திறப்பு தேதியை பள்ளிக் கல்வித் துறை வெளியிட்டுள்ளது. Tamilnadu School Reopen Date

2024-25 கல்வி ஆண்டுக்கான 10, 11 மற்றும் 12 ஆம் வகுப்பு பொதுத் தேர்வு மார்ச் மாதம் தொடங்கி ஏப்ரல் வரை நடைபெற்றது. 1 முதல் 3 ஆம் வகுப்புகளுக்கு ஏப்ரல் 15 – 21வரை முழு ஆண்டு தேர்வு நடைபெற்றது. 4 ஆம் வகுப்பு மற்றும் 5 ஆம் வகுப்புகளுக்கு ஏப்ரல் 9 தொடங்கி 21 வரை நடைபெற்றது. 6 முதல் 9 ஆம் வகுப்பு மாணவர்களுக்கான பள்ளி இறுதி தேர்வு நாளை (ஏப்ரல் 24) நிறைவடைகிறது. 

இந்தநிலையில் இன்று (ஏப்ரல் 23) பள்ளிக் கல்வித் துறை முக்கிய அறிவிப்பை வெளியிட்டுள்ளது. 

அதில், அரசு மற்றும் அரசு உதவி பெறும் உயர்நிலை/ மேல்நிலைப் பள்ளி மாணவர்களுக்கு 25.04.2025 முதல் மாணவர்களுக்கான கோடை விடுமுறை என தெரிவிக்கப்படுகிறது. ஆசிரியர்கள் விடைத்தாள் திருத்தும் பணியினை முடித்து தேர்வு முடிவினை வெளியிட தேவையான நடவடிக்கைகள் மேற்கொள்வதற்காக ஆசிரியர்களுக்கான பள்ளி இறுதி வேலை நாள் 30.04.2025 எனத் தெரிவிக்கப்படுகிறது.

2025-2026 ஆம் கல்வியாண்டில், 02.06.2025 (திங்கள் கிழமை) அன்று அனைத்து அரசு மற்றும் அரசு உதவிபெறும் உயர்நிலை/ மேல்நிலைப் பள்ளிகள் திறக்கப்படும் என தெரிவிக்கப்படுகிறது. Tamilnadu School Reopen Date

எனவே, 02.06.2025 அன்று பள்ளிகள் துவங்குவதற்கு உரிய நடவடிக்கைகள் மேற்கொள்ள அனைத்து தலைமை ஆசிரியர்களுக்கும் அறிவுரை வழங்குமாறு அனைத்து முதன்மைக் கல்வி அலுவலர்களும் கேட்டுக் கொள்ளப்படுகிறார்கள்” என்று குறிப்பிடப்பட்டுள்ளது.