ஹோட்டல் ஸ்டைல் ‘சிக்கன் மாஞ்சோ சூப்’ (Chicken Manchow Soup) இனி வீட்டிலேயே! காரசாரமான செய்முறை இதோ!

By Santhosh Raj Saravanan

|

Published on 2 Jan 2026, 11:26 AM

restaurant style chicken manchow soup recipe at home tamil cooking

மாலை நேரத்தில் இதமாக, காரசாரமாக ஏதாவது குடிக்க வேண்டும் போலிருக்கிறதா? ஹோட்டலுக்குச் சென்றால் நாம் முதலில் ஆர்டர் செய்வது ‘மாஞ்சோ சூப்‘தான். இஞ்சி, பூண்டு வாசனையுடன், பொரித்த நூடுல்ஸைத் தூவித் தரும் அந்தச் சுவைக்கு ஈடு இணையே இல்லை. அதை மிக எளிதாக, அதே சுவையில் நம் வீட்டுச் சமையலறையிலேயே செய்யலாம்.

இதோ உங்களுக்கான எளிய செய்முறை:

ADVERTISEMENT

தேவையான பொருட்கள்:

  • சிக்கன் (எலும்பில்லாதது) – 100 கிராம் (சிறிய துண்டுகளாக நறுக்கியது)
  • இஞ்சி, பூண்டு – தலா 1 மேசைக்கரண்டி (பொடியாக நறுக்கியது)
  • பச்சை மிளகாய் – 2 (நறுக்கியது)
  • வெங்காயம் – 1 (சிறியது)
  • கேரட், முட்டைக்கோஸ், குடைமிளகாய் – தலா அரை கப் (பொடியாக நறுக்கியது)
  • சோயா சாஸ் – 1 ஸ்பூன்
  • ரெட் சில்லி சாஸ் – 1 ஸ்பூன்
  • மிளகுத் தூள் – 1 டீஸ்பூன்
  • வினிகர் – 1 டீஸ்பூன்
  • சோள மாவு (Corn flour) – 2 டீஸ்பூன்
  • முட்டை – 1 (விருப்பப்பட்டால்)
  • பொரித்த நூடுல்ஸ் – மேலே தூவத் தேவையான அளவு.
  • உப்பு, எண்ணெய், கொத்தமல்லி தழை.

செய்முறை:

ADVERTISEMENT

வதக்கல்: ஒரு அகலமான பாத்திரத்தில் எண்ணெய் ஊற்றிச் சூடானதும், பொடியாக நறுக்கிய இஞ்சி, பூண்டு, பச்சை மிளகாய் சேர்த்து அதிகத் தீயில் (High Flame) வதக்கவும். இந்த வாசனைதான் வான்சோ சூப்பின் அடிப்படை.

சிக்கன் மற்றும் காய்கறிகள்: பிறகு நறுக்கிய வெங்காயம் மற்றும் சிக்கன் துண்டுகளைச் சேர்த்து நன்கு வதக்கவும். சிக்கன் வெந்ததும், கேரட், முட்டைக்கோஸ், குடைமிளகாய் சேர்த்து ஒரு நிமிடம் மட்டும் வதக்கவும். (காய்கறிகள் நறுக்கென இருந்தால்தான் சுவை).

ADVERTISEMENT

கொதிக்க விடுதல்: இப்போது தேவையான அளவு தண்ணீர் (சுமார் 3-4 டம்ளர்) ஊற்றவும். அத்துடன் சோயா சாஸ், சில்லி சாஸ், மிளகுத் தூள் மற்றும் உப்பு சேர்த்து நன்கு கொதிக்க விடவும்.

சூப் பதம்: ஒரு சிறிய கிண்ணத்தில் சோள மாவைச் சிறிது தண்ணீர் ஊற்றிக் கரைத்துக்கொள்ளவும். சூப் கொதிக்கும்போது இந்தக் கரைசலை மெதுவாக ஊற்றிக் கிளறவும். இது சூப்பிற்குத் தேவையான கெட்டித் தன்மையைத் தரும்.

முட்டை (Optional): ஹோட்டல் ஸ்டைல் வேண்டுமென்றால், ஒரு முட்டையை நன்கு அடித்து, கொதிக்கும் சூப்பில் ஊற்றிக் கொண்டே கிளறவும். முட்டை மெல்லிய இழைகளாக வெந்து மிதக்கும்.

ஃபினிஷிங் டச்: கடைசியாக வினிகர் மற்றும் பொடியாக நறுக்கிய கொத்தமல்லித் தழை தூவி அடுப்பை அணைக்கவும்.

பரிமாறுவது எப்படி?

சூப்பை கிண்ணத்தில் ஊற்றி, மேலே மொறுமொறுப்பான ‘ஃபிரைட் நூடுல்ஸ்’ (Fried Noodles) தூவிச் சூடாகப் பரிமாறவும். குளிருக்கும், மாலை நேரப் பசிக்கும் இது ஒரு அமிர்தம்!

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel