தேசிய மருத்துவ ஆணையம் (NMC), நாடு முழுவதும் உள்ள மருத்துவக் கல்லூரிகளுக்கு ஒரு முக்கியமான சுற்றறிக்கையை அனுப்பியுள்ளது. அதில், தேசிய தேர்வுகள் வாரியம் (NBEMS) நடத்தும் நடைமுறைத் தேர்வுகளுக்கு (Practical Exams) மையங்கள் கிடைப்பதில் பெரும் தட்டுப்பாடு நிலவுவதைச் சுட்டிக்காட்டி, அதற்கு அனைத்து மருத்துவக் கல்லூரிகளும் ஒத்துழைப்பு அளிக்க வேண்டும் என அதிரடி உத்தரவு பிறப்பித்துள்ளது.
என்னதான் பிரச்சனை?
மெடிக்கல் பிஜி (DNB/DrNB/Diploma) படிக்கும் மாணவர்களுக்குத் தியரி எக்ஸாம் முடிஞ்ச கையோட, பிராக்டிகல் எக்ஸாம் வைக்கணும். இதை ‘நேஷனல் போர்டு ஆஃப் எக்ஸாமினேஷன்ஸ் இன் மெடிக்கல் சயின்சஸ்’ (NBEMS) தான் நடத்துறாங்க. ஆனா, இந்தத் தேர்வுகளை நடத்துறதுக்குத் தேவையான உள்கட்டமைப்பு வசதிகளோட இருக்குற மருத்துவக் கல்லூரிகள் போதிய அளவு முன்வராததுதான் இப்போ பெரிய தலைவலியா இருக்கு. பல மாநிலங்கள்ல பிராக்டிகல் எக்ஸாம் நடத்த போதிய மையங்கள் இல்லை. இதனால மாணவர்களோட ரிசல்ட் தள்ளிப்போகுது, அவங்களோட கரியர் ஒரு சின்ன ‘வெயிட்டிங்’ லிஸ்ட்ல நிக்குது.
சில அரசு மற்றும் தனியார் மருத்துவக் கல்லூரிகள், தங்களது வளாகத்துல இந்தத் தேர்வுகளை நடத்தவும், தங்களது பேராசிரியர்களைத் தேர்வாளர்களாக (Examiners) அனுப்பவும் தயக்கம் காட்டுறதா புகார்கள் எழுந்துருக்கு.
NMC-யின் ‘மாஸ்’ உத்தரவு!
நாடு முழுவதும் உள்ள அனைத்து மருத்துவ நிறுவனங்களும், கல்லூரிகளும் NBEMS நடத்தும் தேர்வுகளுக்கு முழு ஒத்துழைப்பு அளிக்க வேண்டும். பிராக்டிகல் எக்ஸாம் நடத்தத் தேவையான லேப்கள், மருத்துவ உபகரணங்கள் மற்றும் நோயாளிகள் (Clinical Material) போன்ற வசதிகளைக் கல்லூரிகள் தாராளமா செய்து தரணும் பாஸ்!.
கல்லூரிகளில் பணிபுரியும் தகுதியான பேராசிரியர்களைத் தேர்வாளர்களாகச் செயல்படக் கல்லூரிகள் அனுமதிக்க வேண்டும். இதை ஒரு கடமையாவே செய்யணும்னு என்.எம்.சி சொல்லியிருக்கு. இந்த ஒத்துழைப்பை வழங்காத கல்லூரிகள் மீது உரிய நடவடிக்கை எடுக்கப்படும் எனவும் மறைமுகமாக எச்சரிக்கை விடுக்கப்பட்டுள்ளது.
மாணவர்களுக்கு என்ன லாபம்?
இந்த உத்தரவு அமலுக்கு வந்தா, மாணவர்களுக்குத் தங்களது ஊருக்கு பக்கத்துல இருக்குற காலேஜ்லயே பிராக்டிகல் எக்ஸாம் எழுத வாய்ப்பு கிடைக்கும். இதனால எக்ஸாம் சென்டர் தேடி வேற மாநிலத்துக்குப் போக வேண்டிய அவசியம் இருக்காது. முக்கியமா, தேர்வுகள் சரியான நேரத்துல நடக்குறதால, மாணவர்கள் தங்களது பிஜி படிப்பை முடிச்சுட்டு டக்குன்னு வேலையில சேர முடியும் பாஸ்!.
நீங்க பிஜி எக்ஸாம் எழுதப் போறீங்கன்னா, NBEMS வெப்சைட்ல வர்ற லேட்டஸ்ட் நோட்டிஃபிகேஷனை அடிக்கடி செக் பண்ணுங்க. உங்க காலேஜ்லயே கூட எக்ஸாம் சென்டர் வர வாய்ப்பு இருக்கு. என்.எம்.சி (NMC) விதிமுறைப்படி, இது ஒரு கட்டாயமான கடமை. அதனால உள்கட்டமைப்பு வசதிகளைச் சரியா மெயின்டைன் பண்ணி வச்சுக்கோங்க. எக்ஸாம் சென்டர் தள்ளி இருந்தாலும் கவலைப்படாதீங்க. உங்களது திறமையை நிரூபிக்க இது ஒரு அருமையான மேடை.
மருத்துவக் கல்வித்தரம் குறையாம இருக்கணும்னா, தேர்வுகளும் முறையா நடக்கணும். என்.எம்.சி எடுத்துருக்குற இந்த நடவடிக்கை, ஆயிரக்கணக்கான மெடிக்கல் மாணவர்களோட கரியருக்கு ஒரு பெரிய ‘கோல்டன் டிக்கெட்’ ஆக அமையும்.