கடந்த வாரம் உள்நாட்டு பங்குச் சந்தையில் ஏற்ற இறக்கங்கள் இருந்தபோதிலும், சென்செக்ஸ் (Sensex) குறியீட்டில் உள்ள முதல் 10 நிறுவனங்களில் நான்கு நிறுவனங்களின் சந்தை மதிப்பு மொத்தம் ரூ.92,995.48 கோடி அதிகரித்தது. அதே வேளையில், மற்ற 6 நிறுவனங்களின் சந்தை மதிப்பு ரூ.49,294.13 கோடி குறைந்தது. கடந்த வாரம் பிஎஸ்இ (BSE) சென்செக்ஸ் 194.52 புள்ளிகள் (0.25 சதவீதம்) சரிந்து முடிவடைந்ததையும், என்எஸ்இ (NSE) நிஃப்டி 50 குறியீடு 63.95 புள்ளிகள் (0.26 சதவீதம்) சரிந்து முடிவடைந்தது.
HDFC வங்கி மற்றும் பார்தி ஏர்டெல் சந்தை மதிப்பு:
சந்தை மதிப்பு உயர்ந்த நிறுவனங்களில் HDFC வங்கி (HDFC Bank Market Cap), பார்தி ஏர்டெல், ரிலையன்ஸ் இண்டஸ்ட்ரீஸ் மற்றும் லைஃப் இன்சூரன்ஸ் கார்ப்பரேஷன் ஆஃப் இந்தியா (LIC) ஆகியவை அடங்கும். மறுபுறம், ஹிந்துஸ்தான் யூனிலீவர், லார்சன் & டூப்ரோ (L&T), டாடா கன்சல்டன்சி சர்வீசஸ் (TCS), பஜாஜ் ஃபைனான்ஸ், ஐசிஐசிஐ (ICICI) வங்கி மற்றும் ஸ்டேட் பேங்க் ஆஃப் இந்தியா (SBI) ஆகியவற்றின் சந்தை மதிப்பு சரிவைக் கண்டது.
HDFC வங்கியின் சந்தை மதிப்பு:
கடந்த வாரம் HDFC வங்கியின் சந்தை மதிப்பு அதிகபட்சமாக ரூ.35,808.09 கோடி அதிகரித்து ரூ.12,69,454.42 கோடியாக உயர்ந்தது. பார்தி ஏர்டெல்லின் சந்தை மதிப்பு ரூ.34,896.92 கோடி அதிகரித்து ரூ.11,98,774.22 கோடியாக உயர்ந்தது. LIC-யின் சந்தை மதிப்பு ரூ.16,065.50 கோடி அதிகரித்து ரூ.5,60,205.05 கோடியாக உயர்ந்தது. ரிலையன்ஸ் இண்டஸ்ட்ரீஸ் நிறுவனத்தின் மதிப்பும் ரூ.6,224.97 கோடி அதிகரித்து ரூ.17,71,206.33 கோடியாக உயர்ந்தது.
மற்ற 6 நிறுவனங்களின் சந்தை மதிப்பு:
ஹிந்துஸ்தான் யூனிலீவரின் சந்தை மதிப்பு ரூ.12,088.65 கோடி குறைந்து ரூ.5,04,997.65 கோடியாக சரிந்தது. L&T நிறுவனத்தின் மதிப்பு ரூ.11,040.23 கோடி குறைந்து ரூ.5,42,938.40 கோடியாக சரிந்தது. TCS நிறுவனத்தின் சந்தை மூலதனம் ரூ. 8,574.87 கோடி குறைந்து ரூ. 7,48,600.40 கோடியாகக் குறைந்தது. பஜாஜ் ஃபைனான்ஸின் சந்தை மதிப்பு ரூ. 7,813.58 கோடி குறைந்து ரூ. 6,35,327.78 கோடியாகக் குறைந்தது. அதேபோல், ICICI வங்கியின் மதிப்பும் ரூ. 6,315.32 கோடி குறைந்து ரூ. 10,05,379.71 கோடியாகவும், SBI நிறுவனத்தின் சந்தை மூலதனம் ரூ. 3,461.48 கோடி குறைந்து ரூ. 9,56,430.44 கோடியாகவும் சரிந்தன.
