கூகுள் ஜெமினி ஏஐ: நீட் மாணவர்களுக்கு இலவச மாக் டெஸ்ட் – நீட் தேர்வுக்கு கூகுள் ஏஐ உதவி

நீட் யுஜி (NEET UG) தேர்வுக்கு தயாராகும் மாணவர்களுக்கு, கூகுள் தனது ஜெமினி ஏஐ (Gemini AI) தளத்தின் மூலம் புதிய வசதியை அறிமுகப்படுத்தியுள்ளது.

இதன் மூலம், மாணவர்கள் முழு நீட் மாக் டெஸ்ட்களை (NEET Mock tests) இலவசமாக எழுதும் வசதி பெறுகின்றனர். இந்த அம்சம் ஏப்ரல் 13, 2026 முதல் அறிமுகப்படுத்தப்பட்டுள்ளது.

இந்த மாக் டெஸ்ட்களின் முக்கிய அம்சம் என்னவென்றால் உண்மையான நீட் தேர்வு வடிவமைப்பை ஒத்த கேள்விகள், நேரடி தேர்வு அனுபவம் போன்ற சூழல், முழு நீள (Full-length) தேர்வு என்பதாகும். மாணவர்கள் “I want to take a NEET mock exam” என டைப் செய்தாலே, ஜெமினி உடனடியாக தேர்வை உருவாக்கி வழங்கும்.

இந்த மாக் டெஸ்ட்களில் உள்ள கேள்விகள் Physics Wallah, Careers360 போன்ற இந்திய கல்வி நிறுவனங்களின் உள்ளடக்கத்தின் அடிப்படையில் உருவாக்கப்பட்டுள்ளன.

இதனால், கேள்விகளின் தரம் மற்றும் கடினத்தன்மை உண்மையான நீட் தேர்வை ஒத்ததாக இருக்கும் என கூறப்படுகிறது.

எப்படி பயன்படுத்துவது?

மாணவர்கள் இந்த வசதியை பயன்படுத்த ஜெமினி ஆப் அல்லது வெப் தளத்தை திறக்க வேண்டும், கூகுள் கணக்குடன் உள்நுழைய வேண்டும், “NEET mock exam” என கேட்க வேண்டும் என எளிய நடைமுறை வழங்கப்பட்டுள்ளது. இந்த வசதி தற்போது ஆங்கிலத்தில் மட்டுமே கிடைக்கிறது என்பது குறிப்பிடத்தக்கது.

இந்த புதிய முயற்சி மூலம் பணம் செலுத்தாமல் தரமான மாக் டெஸ்ட் எழுத முடியும், மாணவர்கள் தங்களது தயாரிப்பை மதிப்பீடு செய்யலாம், குறைகளை கண்டறிந்து மேம்படுத்தலாம் என பல நன்மைகள் உள்ளன. மேலும், ஏஐ மூலம் உடனடி விளக்கங்கள் பெறும் வசதியும் கிடைக்க வாய்ப்பு உள்ளது.

கல்வி துறையில் ஏஐ வளர்ச்சி

கூகுள் ஏற்கனவே ஜேஇஇ மற்றும் எஸ்ஏடி தேர்வுகளுக்கான மாக் டெஸ்ட்களை அறிமுகப்படுத்திய நிலையில், தற்போது நீட் தேர்வையும் சேர்த்துள்ளது. இதன் மூலம் போட்டித் தேர்வு தயாரிப்பில் ஏஐ முக்கிய பங்காற்றும் புதிய போக்கு உருவாகியுள்ளது.

கூகுள் ஜெமினி வழங்கும் இலவச நீட் மாக் டெஸ்ட் வசதி, மருத்துவ படிப்பை நோக்கி தயாராகும் மாணவர்களுக்கு பெரிய உதவியாக உள்ளது. குறிப்பாக செலவு இல்லாமல் தரமான தேர்வு பயிற்சி பெறும் வாய்ப்பு, போட்டித் தேர்வில் முன்னிலை பெற உதவும் முக்கிய கருவியாக அமையும்.