DMK Candidate for Thattanchavady: புதுச்சேரி யூனியன் பிரதேசத்தின் தட்டாஞ்சாவடி தொகுதி இடைத்தேர்தலில் திமுக வேட்பாளராக சேது என்ற சேது செல்வம் போட்டியிடுவார் என்று அக்கட்சித் தலைவரும் முன்னாள் முதல்வருமான மு.க.ஸ்டாலின் அறிவித்துள்ளார்.
புதுச்சேரி சட்டசபை தேர்தலில் மங்களம் மற்றும் தட்டாஞ்சாவடி ஆகிய 2 தொகுதிகளில் என்.ஆர். காங்கிரஸ் தலைவர் ரங்கசாமி போட்டியிட்டு வென்றார். இதனையடுத்து முதல்வரான ரங்கசாமி, தட்டாஞ்சாவடி தொகுதி எம்.எல்.ஏ. பதவியை ராஜினாமா செய்தார்.
இதனால் தட்டாஞ்சாவடி தொகுதி காலியானதாக அறிவிக்கப்பட்டது. இந்த தொகுதிக்கான இடைத் தேர்தல் அக்டோபர் 6-ந் தேதி நடைபெறுகிறது; அன்று பதிவாகும் வாக்குகள் அக்டோபர் 9-ந் தேதி எண்ணப்பட்டு முடிவுகள் அறிவிக்கப்படும்.
இந்த தேர்தலில் திமுக வேட்பாளராக சேது என்ற சேது செல்வம் போட்டியிடுவார் என்று அக்கட்சித் தலைவர் மு.க.ஸ்டாலின் இன்று (செப்டம்பர் 9) அறிவித்துள்ளார்.
