கோடைக்காலத்தில் நாவல் பழம் சாப்பிடுவதால் உடலுக்கு பல நன்மைகள் கிடைக்கும் என்கிறார்கள் ஊட்டச்சத்து நிபுணர்கள்.
கோடைக்காலம் வாட்டி எடுத்து வரும் நிலையில் மக்கள் தேநீர் கடைகளுக்கு பதிலாக பழக்கடைகளில் குவிந்து வருகிறார்கள். குறிப்பாக கோடையில் கிடைக்கும் மாம்பழம், நாவல் பழம், நுங்கு உள்ளிட்டவற்றுக்கு மவுசு அதிகரித்துள்ளது. இனிப்பும் புளிப்புமான சுவை கொண்ட நாவல் பழங்கள் கோடைக் காலத்தில் சாப்பிட உகந்தது மட்டுமல்ல நமது உடல்நலத்திற்கும் பல்வேறு நன்மைகளைத் தருகிறது. நாவல் பழம் (Jamun Fruit) உடல் நலத்திற்கும் மிகவும் நன்மை பயக்கிறது, உடலை உள்ளிருந்து குளிர்விக்க உதவுகிறது. குறிப்பாக நீரிழிவு (Diabetic Control) நோயாளிகளுக்கும் கர்ப்பிணிப் பெண்களுக்கும் நன்மை பயக்கும் என்று கருதப்படுகிறது. நாவல் பழம் சாப்பிடுவதால் ஏற்படும் ஆரோக்கிய நன்மைகளை விரிவாகப் பார்க்கலாம்.
ரத்த சர்க்கரை அளவை கட்டுப்படுத்த உதவுகிறது
நாவல் பழம் சர்க்கரை நோயின் எதிரியாகவே கருதப்படுகிறது. நாவல் பழத்தில் குறைந்த கிளைசெமிக் குறியீடு உள்ளதால் ரத்த சர்க்கரை அளவு வேகமாக (control blood sugar levels) அதிகரிப்பதற்கான வாய்ப்புகளைக் குறைக்கிறது. கோடை காலத்தில் உணவு மற்றும் நீர்ச்சத்து குறைபாடு காரணமாக சர்க்கரை அளவு பாதிக்கப்படும்போது, நாவல் பழத்தை குறைந்த அளவில் உட்கொள்வது நன்மை பயக்கும். பலர் நாவல் விதை பொடியையும் பயன்படுத்துகின்றனர். ஆனாலும், எந்த வீட்டு வைத்தியத்தையும் பின்பற்றுவதற்கு முன்பு மருத்துவரை அணுகுவது முக்கியம்.
கர்ப்பிணிப் பெண்களுக்கும் நன்மை தருகிறது
நாவல் பழங்களில் இயற்கையான ஃபோலிக் அமிலம் மற்றும் பல அத்தியாவசிய ஊட்டச்சத்துக்கள் உள்ளன. இவை கருவில் குழந்தையின் வளர்ச்சிக்கு (Jamun Fruit for pregnant women) அவசியமானதாகக் கருதப்படுகின்றன. இதனால்தான் கர்ப்பிணிகள் நாவல் பழங்களை மிதமாகச் சாப்பிட அறிவுறுத்தப்படுகிறார்கள். பழத்தில் உள்ள வைட்டமின்கள் மற்றும் தாதுக்கள் உடலுக்கு ஆற்றலை வழங்க உதவும். இருப்பினும், கர்ப்ப காலத்தில் உணவில் புதிதாக எதையும் சேர்ப்பதற்கு முன் மருத்துவரின் ஆலோசனையைப் பெறுவதும் நல்லது.
செரிமானத்திற்கு உதவுகிறது
கோடை காலத்தில் நாவல் பழம் சாப்பிடுவது உடலில் உள்ள அதிகப்படியான சூட்டைக் குறைக்க உதவுகிறது. நாவல் பழத்தில் நார்ச்சத்துகள் நிறைந்துள்ளன. இது ஆரோக்கியமான (jamun fruit help digestion) செரிமான அமைப்பைப் பராமரிக்க உதவுகிறது. மலச்சிக்கல் மற்றும் சிறிய வயிற்றுப் பிரச்சனைகளுக்கும் நாவல் பழம் சாப்பிடுவது நிவாரணம் அளிக்கும்.
இதயம், நோய் எதிர்ப்பு சக்திக்கு நல்லது
நாவல் பழத்தில் வைட்டமின் சி மற்றும் ஆன்டிஆக்ஸிடன்ட்கள் உள்ளன. அவை உடலின் நோய் எதிர்ப்பு மண்டலத்தை வலுப்படுத்த உதவுகின்றன. நாவல் பழத்தில் உள்ள பொட்டாசியம் ரத்த அழுத்தத்தை (heart health and immunity) சீராக்க உதவுகிறது. சில நிபுணர்கள் இந்தப் பழம் இதய ஆரோக்கியத்திற்கும் நன்மை பயக்கும் என்று நம்புகிறார்கள். இதில் கலோரிகள் குறைவாக இருப்பதால், உடல் எடையைக் கட்டுப்படுத்த முயற்சிப்பவர்களுக்கு சிறந்த பழமாகவும் உள்ளது.
சருமம் மற்றும் வாய் ஆரோக்கியம்
வெப்பம் மற்றும் சூரிய ஒளி சருமத்தை பொலிவிழக்கச் செய்துவிடுகிறது. நாவல் பழத்தில் (jamun fruit for skin) உள்ள ஆன்டிஆக்ஸிடன்ட்கள் ஆரோக்கியமான சருமத்தைப் பராமரிக்க உதவுகிறது. நாவல் மரத்தின் குச்சிகளைக் கொண்டு பல் துலக்கினால் பற்களுக்கும் ஈறுகளுக்கும் நன்மை பயக்கும் என்று நம்பப்படுகிறது.