தமிழக வெற்றிக் கழகத்தின் தலைவர் விஜய் ஆட்சி அமைக்க சிபிஎம் கட்சியும் ஆதரவு தருவதாக அதிகாரப்பூர்வமாக அறிவித்துள்ளது.
107 எம்.எல்.ஏக்களைக் கொண்ட விஜய்யின் தவெக ஆட்சி அமைக்க 118 எம்.எல்.ஏக்கள் ஆதரவு தேவை. விஜய்க்கு ஏற்கனவே 5 எம்.எல்.ஏக்களைக் கொண்ட காங்கிரஸ் ஆதரவு தந்துள்ளது. இதனால் மேலும் 6 எம்.எல்.ஏக்களின் ஆதரவு என்ற நிலையில் சிபிஐ, சிபிஎம், விசிக கட்சிகளின் ஆதரவை விஜய் கோரினார்.
விஜய்யின் இந்த கோரிக்கையின் அடிப்படையில் சிபிஐ, சிபிஎம் கட்சிகளின் மாநில குழுக்களின் கூட்டம் இன்று சென்னையில் நடைபெற்றது. இந்தக் கூட்டத்தின் முடிவில் 2 எம்.எல்.ஏக்களைக் கொண்ட சிபிஐ, விஜய்க்கு ஆதரவு அளிப்பதாக முதலில் அறிவித்தது. இதனைத் தொடர்ந்து தற்போது 2 எம்.எல்.ஏக்களைக் கொண்ட சிபிஎம் கட்சியும் விஜய்க்கு ஆதரவு தருவதாக அறிவித்துள்ளது.
இதனையடுத்து விஜய் ஆட்சி அமைப்பதற்கான ஆதரவு எம்.எல்.ஏக்கள் எண்ணிக்கை 116 ஆக உள்ளது.