முதல்வர் மு.க.ஸ்டாலின் தலைமையில் தமிழ்நாடு அமைச்சரவக் கூட்டம் இன்று ஜனவரி 6-ந் தேதி நடைபெற உள்ளது.
தமிழ்நாடு சட்டப்பேரவைக் கூட்டம் வரும் 20-ந் தேதி தொடங்குகிறது. இதனையொட்டி அமைச்சரவைக் கூட்டம் இன்று முதல்வர் ஸ்டாலின் தலைமையில் நடைபெறுகிறது.
இதில், சட்டப்பேரவையில் ஆளுநர் வாசிக்கும் உரையில் இடம் பெறக் கூடிய அம்சங்கள், முதல்வர் ஸ்டாலின் அறிவித்த புதிய ஓய்வூதியத் திட்டம் உள்ளிட்டவைகளுக்கு சட்டப்பேரவையில் ஒப்புதல் பெறுதல், தூய்மை பணியாளர்கள்- இடைநிலை ஆசிரியர்களின் கோரிக்கைகளை நிறைவேற்றுதல் உள்ளிட்டவை குறித்து ஆலோசிக்கப்பட இருக்கிறது.
இன்றைய அமைச்சரவைக் கூட்டத்துக்குப் பிறகு முக்கிய முடிவுகள் அறிவிக்கப்படலாம் என்கிற எதிர்பார்ப்பு நிலவுகிறது.