BSNL-க்கு அடித்த ஜாக்பாட்… இத்தனை கோடி லாபமா?

Published On: 28 May 2025, 3:27 PM

| By Minnambalam Desk

மத்திய அரசின் தொலைத்தொடர்பு நிறுவனமான BSNL மார்ச் 31, 2025-ல் முடிவடைந்த நிதியாண்டின் நான்காவது காலாண்டில் ₹280 கோடி நிகர லாபம் ஈட்டியுள்ளது. bsnl get huge profit in market

இது 18 ஆண்டுகளில் முதல் முறையாக தொடர்ச்சியாக இரு காலாண்டுகளிலும் நிகர லாபம் பதிவு செய்து சாதனை படைத்துள்ளது.

2007க்குப் பிறகு முதல் முறையாக இரண்டாவது காலாண்டிலும் நிகர லாபம். இது குறிப்பிட்டு தான் ‘இது உண்மையான நிகர லாபம்’ என மத்திய அமைச்சர் ஜோதிராதித்ய சிந்தியா தெரிவித்தார்.

அதே காலத்தில், கடந்த ஆண்டு BSNL நிறுவனம் ரூ. 849 கோடி நட்டம் சந்தித்தது.

2024-25 நிதியாண்டின் மூன்றாவது காலாண்டிலும் BSNL-க்கு ரூ. 262 கோடி நிகர லாபம் ஈட்டியிருந்தது.

2024-25-ல் BSNL நிறுவனத்தின் செயல்பாட்டு வருமானம் 7.8% வளர்ச்சி பெற்று ரூ. 20,841 கோடியாக உயர்ந்தது.

இதுவே 2023-24ல் இன்று ரூ. 19,330 கோடி‌யாக இருந்தது.

BSNL-க்கு மிக முக்கிய வளர்ச்சிப் பகுதிகளாக இருப்பது

பைபர்-டூ-தி-ஹோம் (FTTH)

FTTH என்பது Fiber To The Home என்பதற்கான சுருக்கமாகும். இதை தமிழில் “வீட்டிற்குள் நுழையும் நார்கோடு இணைய சேவை” என்று கூறலாம்.

உயர் வேக நெட்வொர்க் (High-Speed Internet) சேவையை நேரடியாக உங்கள் வீட்டிற்கு ஃபைபர் ஆப்டிக் கேபிள் மூலம் கொண்டுசெல்லும் தொழில்நுட்பம்.

இது வழக்கமாக நாம் பயன்படுத்தும் கேபிள் இணையம், அல்லது 4G ஹாட்ஸ்பாட் விட பலமடங்கு வேகமானதும், நம்பகமானதும் ஆகும்.

மொபைல் சேவைகள் (Customer Mobility)
நிறுவனங்களுக்கு சேவை வழங்கும் பகுதி (Enterprise Segment)

இந்த மூன்றிலும் நல்ல வளர்ச்சி காணப்பட்டுள்ளது.

மொத்த வருமானம் 10% உயர்ந்து ₹23,400 கோடியாக வளர்ந்துள்ளது, அதே நேரத்தில் ₹24,432 கோடி முதலீட்டுச் செலவு மேற்கொள்ளப்பட்டது. இது BSNL வரலாற்றிலேயே மிக அதிகமாகும்.

2024-25ல்,

மொபைல் சேவைகள் வருமானம் 6% உயர்ந்து ரூ. 7,499 கோடி, FTTH வருமானம் 10% உயர்ந்து ₹2,923 கோடி, நிறுவன சேவைகள் வருமானம் 3.5% உயர்ந்து ரூ. 4,096 கோடியாக உள்ளது.

4G towers எனப்படும் 4வது தலைமுறை தொலைத்தொடர்பு கோபுரங்கள் 93,450 எண்களில் நிறுவப்பட்டு தற்போது இயங்கத் தொடங்கியுள்ளன. சொத்துகள் விற்பனை வாயிலாக BSNL 77% அதிகரித்து ரூ. 1,120 கோடி வருவாய் ஈட்டியுள்ளது.

இது தொடர்பாக BSNL தலைவர் ரவி கூறியது:

“நிறுவனத்தின் மாற்றம் என்பது, திறமையான நிர்வாகம், அரசின் ஆதரவு மற்றும் வருமானம் மற்றும் லாபத்தில் இரண்டும் கவனம் செலுத்துவதன் பலனாகும். BSNL தற்போது மீட்டெடுக்கப்படுவதில்லை, மறுசிறப்புமிக்க நிறுவனமாக மாறி வருகிறது.”

“நாம் லாபத்தை மட்டுமே நோக்கமாயில்லை. மக்களுக்கு சிறந்த சேவையை வழங்குவதே எங்கள் குறிக்கோள். நியாயமான விலையில், உயர்தர சேவையை இந்தியா முழுவதும் கொண்டுசெல்லுவதே எங்கள் இலக்கு. அதனால் லாபம் இயற்கையாகவே வரும் என்று அவர் கூறினார்.

குறிப்பாக கடந்த ஆண்டு தனியார் மொபைல் சேவை நிறுவனங்கள் தங்களுடைய கட்டணத்தை 20% அதிகரித்த பிறகு மக்கள் குறைந்த கட்டணத்தில் சேவைகளை பெறுவதற்காக BSNL நோக்கி படையெடுக்க தொடங்கினர்.