சருமத்திற்கு ஆரோக்கியம் (Healthy Skin) அளிப்பதோடு உடலுக்கு நச்சு நீக்கியாக செயல்படும் 5 ஜூஸ் லிஸ்ட்டைப் பார்க்கலாம்.
நம் அனைவருக்கும் நமது சருமம் பளபளப்பாகவும், ஆரோக்கியத்துடனும் இருக்க வேண்டும் என்ற விருப்பம் இருக்கும். இதற்காக விலை உயர்ந்த கிரீம்கள், லோஷன்கள் பயன்படுத்துவோம். அத்துடன் பியூட்டி பார்லர்களுக்கு சென்றும் முக அழகை மேம்படுத்த நினைப்போம். ஆனால், இவற்றை எல்லாம் தாண்டி நாம் சாப்பிடும் உணவுக்கும் சருமத்திற்கும் மிக நெருங்கிய தொடர்புகள் உள்ளன. குறிப்பாக நாம் தண்ணீர் குடிக்காமல் இருந்தால் அதன் பாதிப்பு சருமத்தில் தெரியும். ஆகவே, சருமத்தை ஆரோக்கியமாக (Healthy skin) வைத்திருக்க வெளியில் இருந்து அழகை மேம்படுத்தாமல், உள்ளிருந்து அதற்கான முயற்சிகளை மேற்கொள்ள வேண்டும்.
அதேபோல பொலிவான சருமத்தைப் (Bright skin tips) பெற நாம் விலை உயர்ந்த உணவுப் பொருட்களையும் சாப்பிட வேண்டியது இல்லை. நமது வீட்டில் எளிமையாக கிடைக்கும் பொருட்களை சாப்பிட்டே சரும ஆரோக்கியத்தை பராமரிக்க முடியும். சருமத்தை பராமரிக்கும் சில இயற்கை ஜூஸ் லிஸ்ட், அவற்றை தயாரிப்பது எப்படி என்பது குறித்துப் பார்க்கலாம்.
நெல்லிக்காய் ஜூஸ்
நெல்லிக்காய் ஜூஸ் தயாரிக்க 2 முதல் 3 நெல்லிக்காய்களை அரைத்து தண்ணீர் சேர்த்து நன்கு வடிகட்ட வேண்டும். தேவைப்பட்டால் ஒரு சிட்டிகை மஞ்சள் தூள் அல்லது சிறிதளவு தேன் சேர்க்கலாம். நெல்லிக்காய் சாறு (Benefits of amla Juice) குடிப்பதால் சருமத்திற்கும் முழு உடலுக்கும் புத்துணர்ச்சி கிடைக்கிறது. இதில் வைட்டமின் சி மற்றும் ஆன்டிஆக்ஸிடன்ட்கள் நிறைந்துள்ளன. இவை சருமத்தின் தன்மையை மேம்படுத்தவும், கறைகளை நீக்கவும் , கொலாஜனை அதிகரிக்கவும் உதவுகின்றன. இது உடலில் உள்ள நச்சுக்களை நீக்கி, நீண்ட நேரம் புத்துணர்ச்சியுடன் இருக்க உதவுகிறது
கேரட் – பீட்ரூட் ஜூஸ்
கேரட் பீட்ரூட் சாறு ஒரு சிறந்த நச்சு நீக்கியாக செயல்படுகிறது. இரண்டு கேரட்கள், ஒரு சிறிய பீட்ரூட், அரை ஆப்பிள் மற்றும் ஒரு சிறிய துண்டு இஞ்சி ஆகியவற்றை சேர்த்து அரைத்து சிறிது தண்ணீர் சேர்த்தால் கேரட் – பீட்ரூட் ஜூஸ் ரெடி. இதனை அருந்துவதன் மூலம் வறண்ட மற்றும் உயிரற்ற சருமத்திற்கு ஊட்டமளிக்கப்பட்டு (Carrot – Beetroot Juice) அதன் இழந்த பொலிவை மீண்டும் பெறுகிறது. கேரட்டில் பீட்டா கரோட்டின் நிறைந்துள்ளது, இது வயதாவது போன்ற சருமத்தை தடுக்கிறது. பீட்ரூட் ரத்தத்தைச் சுத்திகரித்து, உடலில் உள்ள நச்சுக்களை நீக்கி, சருமத்தை சீராக்கி, முகப்பொலிவை மேம்படுத்துகிறது.
மாதுளை ஜூஸ் நன்மைகள்
ஒரு முழு மாதுளம்பழ விதைகளை அப்படியே அரைப்பதன் மூலம் ஜூஸை எளிதாகத் தயாரிக்கலாம். மாதுளை இரத்த நாளங்களை வலுப்படுத்துவதற்கும், சருமம் முன்கூட்டியே முதுமையடைவதிலிருந்து பாதுகாப்பதற்கும் நன்மை அளிக்கிறது. இதில் ஆன்டிஆக்ஸிடன்ட்கள் (Antioxidants in pomegranate) நிறைந்துள்ளதால், இது ஒரு சிறந்த நச்சு நீக்கியாகவும் செயல்படுகிறது. மாதுளை ஜூஸ் உங்கள் சரும நிறத்தைச் சீராக்கி, அதன் உறுதியை மேம்படுத்துவதோடு, சுற்றுச்சூழல் பாதிப்புகளிலிருந்தும் அதைப் பாதுகாக்கிறது.
வெள்ளரிக்காய் – புதினா ஜூஸ்
வெள்ளரிக்காயும் புதினாவும் கோடை காலத்தில் வயிற்றுக்கு இதமளிக்கிறது. ஒரு வெள்ளரிக்காய் மற்றும் ஒரு கைப்பிடி புதினா இலைகளை அரைத்து சிறிதளவு எலுமிச்சை சாறு சேர்த்து வெள்ளரிக்காய் – புதினா ஜூஸை தயாரிக்கலாம். இது உடலுக்கு நீர்ச்சத்தை அளிப்பது மட்டுமல்லாமல், இந்தக் கொளுத்தும் வெயிலில் குளிர்ச்சியையும் தருகிறது. இது சருமத் துளைகளை இறுக்கி, சருமத்தைப் புத்துணர்ச்சியூட்டி புத்துயிர் அளிப்பதாகவும் அறியப்படுகிறது. முகப்பரு (Cure Acne) பாதிப்புள்ள சருமம், உணர்திறன் மிக்க சருமம் மற்றும் வெப்பம் தொடர்பான பிற சருமப் பிரச்சனைகளுக்கு நிவாரணம் அளிக்கிறது.
கற்றாழை ஜூஸ்
கற்றாழை ஜூஸ் செரிமான அமைப்பை மேம்படுத்தும் நன்கு அறியப்பட்ட நச்சு நீக்கியாக உள்ளது. இரண்டு முதல் மூன்று தேக்கரண்டி கற்றாழை ஜெல்லை தண்ணீரில் கலந்து, சில துளிகள் (Benefits of aloe vera juice) தேனையும் சேர்த்து அரைத்தால் கற்றாழை ஜூஸ் ரெடி. இது உடலில் ஏற்படும் உள் அழற்சியைக் குறைக்கிறது, சருமத்திற்கு உள்ளிருந்து ஈரப்பதத்தை வழங்குகிறது. இது முகப்பருவைக் குறைக்கப் பயனுள்ளதாக இருப்பதோடு, சருமத்தில் உள்ள கறைகளை நீக்கி, சருமத்திற்கு சீரான நிறத்தை அளிக்கிறது.
