இதயப் பிரச்சனை வராமல் இருக்க அருந்த வேண்டிய 4 பானங்கள் குறித்துப் பார்க்கலாம்.
நமது உடலில் மிகவும் முக்கியமான உறுப்பாக இதயம் உள்ளது. இதயத்தில் பிரச்சனை என்றால் அது உயிருக்கே ஆபத்து என்பதால் இதய ஆரோக்கியத்தை ஒவ்வொருவரும் பராமரிக்க வேண்டியது அவசியமாகிறது. இருப்பினும் காலப்போக்கில் கொழுப்பு கால்சியம் போன்றவை ரத்தக் குழாய்களில் அடைப்பை ஏற்படுத்தி ரத்த ஓட்டத்தைத் (blood flow) தடைசெய்து, மாரடைப்பு மற்றும் பக்கவாதம் ஏற்படும் அபாயத்தை அதிகரிக்கிறது. ஆகவே, நாம் எப்போதும் இதயத்திற்கு உகந்த ஆரோக்கியமான உணவுகளை எடுத்துக் கொள்ள ஊட்டச்சத்து நிபுணர்கள் பரிந்துரைக்கிறார்கள். குறிப்பாக நான்கு பானங்களை உங்கள் உணவில் சேர்த்துக்கொள்வது இதய ஆரோக்கியத்தைப் பராமரிக்க உதவுகிறது.
க்ரீன் டீ
தினமும் காலை எழுந்ததும் நீங்கள் க்ரீன் டீ குடிக்கலாம். க்ரீன் டீயில் ஆன்டிஆக்ஸிடன்ட்கள், குறிப்பாக கேட்டசின்கள் நிறைந்துள்ளன. இது கெட்ட கொழுப்பைக் (green tea for heart health) குறைக்கவும், ஆக்ஸிஜனேற்ற அழுத்தத்தைக் குறைக்கவும் உதவக்கூடும். க்ரீன் டீயில் உள்ள கேட்டச்சின்கள் ரத்த நாளங்களைத் தளர்த்தி ரத்த அழுத்தத்தைக் கட்டுப்பாட்டில் வைத்திருக்கவும், ரத்த நாள அழற்சியைக் குறைக்கவும் உதவுகின்றன. பச்சைத் தேநீரைத் தொடர்ந்து அருந்துவது தமனி செயல்பாட்டை மேம்படுத்தி, சீரான ரத்த ஓட்டத்தைப் பராமரிக்க உதவும். தமனிகளில் அடைப்பு ஏற்படாமல் இருக்கவும் உதவுகிறது. அத்துடன், ஒருநாள் முழுவதையும் புத்துணர்வோடு இருந்து ஆற்றல் அளிக்கவும் க்ரீன் டீ உதவுகிறது.
மாதுளை ஜூஸ்
மாதுளைச் சாற்றில் சக்திவாய்ந்த ஆன்டிஆக்ஸிடன்ட்கள் நிறைந்துள்ளன. இந்தக் கலவைகள் அழற்சியைக் குறைக்கவும், தமனிச் சுவர்களைச் சேதத்திலிருந்து (pomegranate juice benefits) பாதுகாக்கவும் உதவக்கூடும். இதய ஆரோக்கியத்தை மேம்படுத்துவதற்கு, சர்க்கரை சேர்க்கப்படாத மாதுளைச் சாறு ஒரு சிறந்த தேர்வாகக் கருதப்படுகிறது. மாதுளைச் சாற்றைத் தொடர்ந்து அருந்துவது ரத்த அழுத்தத்தை சீராக வைத்திருக்க உதவிபுரிகிறது. இது ஆரோக்கியமான ரத்த ஓட்டத்தை ஊக்குவிப்பதன் மூலம் ரத்தச் சுழற்சியையும் மேம்படுத்துகிறது.
பீட்ரூட் ஜூஸ்
பீட்ரூட்டில் இயற்கையாகவே நைட்ரேட்டுகள் உள்ளன, அவற்றை உடல் நைட்ரிக் ஆக்சைடாக மாற்றுகிறது. இந்தச் சேர்மம் இரத்த நாளங்களைத் தளர்த்தி, இரத்த ஓட்டத்தை மேம்படுத்த (Beetroot juice) உதவுகிறது. பீட்ரூட் சாறு ரத்த அழுத்தத்தைக் கட்டுப்படுத்தவும் உதவுகிறது. பீட்ரூட்டில் உள்ள ஆன்டிஆக்ஸிடன்ட் மற்றும் அழற்சி எதிர்ப்பு பண்புகள் உங்கள் ரத்த நாளங்களின் உள் அடுக்கை பாதுகாக்க உதவுகின்றன, இது தமனிகளில் அடைப்பு ஏற்படும் அபாயத்தைக் குறைக்கிறது.
மஞ்சள்
மஞ்சளில் காணப்படும் குர்குமின், அதன் அழற்சி எதிர்ப்புப் பண்புகளுக்காக (Turmeric Health Benefits) அறியப்படுகிறது. இது தமனிகளில் ஏற்படும் அழற்சியைக் குறைக்கவும், கொழுப்பு வளர்சிதை மாற்றத்தை மேம்படுத்தவும் உதவக்கூடும். மஞ்சள் பாலில் ஒரு சிட்டிகை மிளகு சேர்ப்பது குர்குமின் உறிஞ்சுதலை மேம்படுத்தும். இந்தப் பானம் இதய ஆரோக்கியத்திற்கு நன்மை பயக்கும் என்று கருதப்படுகிறது.
