வீட்டில் சமையலுக்குப் பயன்படுத்தப்படும் கசகசா, அழகு பராமரிப்பிலும் பயன்படுத்தப்படலாம். சரும வறட்சி, கரும்புள்ளிகள், பொடுகு உள்ளிட்ட பிரச்சனைகளுக்கு கசகசாவை வைத்து எளிய முறைகளை முயற்சி செய்யலாம்.
முகப்பொலிவுக்கு கசகசா ஃபேஸ் பேக்
ஒரு ஸ்பூன் கசகசாவை பாலில் சுமார் இரண்டு மணி நேரம் ஊறவைத்து அரைத்துக்கொள்ளலாம். இந்த விழுதை முகத்தில் தடவி 15 நிமிடங்களுக்குப் பிறகு கழுவலாம். வறண்ட சருமத்திற்கு ஈரப்பதம் கிடைக்க இந்த முறையைப் பயன்படுத்தலாம்.
கரும்புள்ளிகளுக்கு கசகசா விழுதுடன் சிறிதளவு சர்க்கரை மற்றும் எலுமிச்சை சாறு சேர்த்து மென்மையாக ஸ்க்ரப் செய்யும் முறையும் கூறப்பட்டுள்ளது. குறிப்பாக மூக்கு மற்றும் கன்னப் பகுதிகளில் இதைப் பயன்படுத்தலாம்.
முகப்பரு, வறண்ட சருமத்திற்கு மற்றொரு வழி
கசகசாவை தயிருடன் அரைத்து அதில் சிறிதளவு தேன் சேர்த்து முகத்தில் தடவலாம். இதனால் சருமம் மென்மையாகும் என்று கூறப்படுகிறது.
அதேபோல், கசகசா விழுதுடன் கஸ்தூரி மஞ்சள் மற்றும் சந்தனப் பொடி கலந்து முகப்பரு உள்ள இடங்களில் பயன்படுத்தலாம்.
கூந்தல் பராமரிப்புக்கும் கைகொடுக்கும்
கசகசா மற்றும் வெந்தயத்தை தயிரில் ஊறவைத்து அரைத்து ஹேர் பேக்காக பயன்படுத்தலாம். சுமார் 30 நிமிடங்கள் கழித்து தலைமுடியை அலசும் முறையும் குறிப்பிடப்பட்டுள்ளது.
மேலும், கசகசாவை தேங்காய்ப்பாலில் ஊறவைத்து அரைத்து உச்சந்தலையில் பயன்படுத்தலாம். உடல் சருமத்துக்கு கசகசா, கடலைமாவு, பாலேடு சேர்த்த பாடி ஸ்க்ரப் முறையும், கண்களைச் சுற்றிய கருவளையத்துக்கு ரோஸ் வாட்டருடன் கசகசாவை பயன்படுத்தலாம்.
