புதிய iPhone 18 Pro வாங்க வேண்டும் என்ற ஆசை பலருக்கும் இருக்கலாம். ஆனால் விலை உயர்ந்த ஸ்மார்ட்போனை வாங்கும்போது, மாத தவணை எவ்வளவு வருகிறது என்பதை மட்டும் பார்த்து முடிவு செய்வது சரியான அணுகுமுறை அல்ல.
குறிப்பாக நோ-காஸ்ட் EMI என்ற பெயரில் வாங்கும் போது, அதில் இருக்கும் பிற கட்டணங்களையும் கவனிக்க வேண்டும்.
என்ன சொல்கிறது 20/10/4 விதி?
தனிநபர் நிதி நிர்வாகத்தில் பயன்படுத்தப்படும் 20/10/4 விதி, தேவையில்லாத கடன் சுமையை தவிர்க்க உதவும் ஒரு எளிய வழிகாட்டியாக பார்க்கப்படுகிறது.
முதலில், பொருளின் மொத்த விலையில் குறைந்தபட்சம் 20 சதவீதத்தை முன்பணமாக செலுத்தும் அளவுக்கு சேமிப்பு இருக்க வேண்டும்.
EMI உங்கள் சம்பளத்தில் எவ்வளவு இருக்கலாம்?
உங்களுடைய அனைத்து கடன்கள் மற்றும் EMI-களின் மொத்த தொகையும், மாத நிகர வருமானத்தில் 10 சதவீதத்தை தாண்டாமல் இருப்பது நல்லது. ஏற்கெனவே வேறு கடன்கள் இருந்தால், புதிய iPhone வாங்கும் முடிவை சற்று தள்ளிப்போடுவதும் நிதி ரீதியாக பாதுகாப்பானதாக இருக்கும்.
4 மாத விதி ஏன் முக்கியம்?
விலை உயர்ந்த பொருளுக்காக நீண்ட கால EMI தேர்வு செய்வது மாத தவணையை குறைத்துக் காட்டலாம். ஆனால் நீண்ட காலத்திற்கு கடன் கட்டுப்பாட்டில் இருப்பதை அது மறைத்துவிடும்.
20/10/4 விதியின்படி, EMI காலத்தை பொதுவாக 4 முதல் 6 மாதங்களுக்குள் வைத்துக்கொள்வது நல்லது. 12 அல்லது 24 மாத தவணை திட்டங்கள் கிரெடிட் வரம்பையும், அவசரகால நிதி திட்டத்தையும் பாதிக்கக்கூடும்.
நோ-காஸ்ட் EMI உண்மையிலேயே இலவசமா?
நோ-காஸ்ட் EMI என்றாலும் செயலாக்கக் கட்டணம், GST போன்ற கூடுதல் செலவுகள் இருக்கிறதா என்பதை முன்கூட்டியே சரிபார்க்க வேண்டும்.
அதனால் iPhone 18 Pro வாங்குவதற்கு முன், 20% முன்பணம் + 10% EMI வரம்பு + குறுகிய தவணைக் காலம் என்ற மூன்று விஷயங்களையும் கணக்கில் எடுத்துக்கொள்வது கடன் சுமையை தவிர்க்க உதவும்.
