“ஆஸ்பத்திரியா இல்ல 5 ஸ்டார் ஹோட்டலா?” – சீனாவில் ரோபோக்கள் செய்யும் ‘மேஜிக்’! இந்திய மாணவி வெளியிட்ட வைரல் வீடியோ!

By Santhosh Raj Saravanan

|

Published on 12 Dec 2025, 1:19 PM

indian student viral video china hospital robots ai technology healthcare revolution

மருத்துவமனை என்றாலே நீண்ட கியூ, பரபரப்பான நர்சுகள், மருந்து வாசனை… இதுதானே நம் நினைவுக்கு வரும்? ஆனால், சீனாவில் நிலைமையே வேறு. அங்குள்ள மருத்துவமனைகளைப் பார்த்தால், ஏதோ சயின்ஸ் ஃபிக்ஷன் (Sci-Fi) படத்தைப் பார்ப்பது போல் இருக்கிறது.

சீனாவில் எம்பிபிஎஸ் (MBBS) படிக்கும் பாரி (Pari) என்ற இந்திய மாணவி, அங்குள்ள மருத்துவமனைகளின் “வேற லெவல்” தொழில்நுட்பங்களை இன்ஸ்டாகிராமில் வீடியோவாக வெளியிட்டுள்ளார். இந்த வீடியோக்கள் இப்போது இணையத்தில் தீயாய் பரவி வருகின்றன.

ADVERTISEMENT

ரோபோக்களின் ராஜ்ஜியம்: அந்த வீடியோவில் நாம் காண்பது ஆச்சரியத்தின் உச்சம்.

  • ஜிப்லைன் டெலிவரி (Zipline Delivery): ரத்த மாதிரிகள் (Blood Samples) மற்றும் மருத்துவப் பொருட்களை எடுத்துச் செல்ல மனிதர்கள் நடப்பதில்லை. மருத்துவமனையின் மேற்கூரையில் உள்ள ஒரு ஜிப்லைன் போன்ற அமைப்பில், சீல் வைக்கப்பட்ட பெட்டிகள் காற்றில் பறந்து செல்கின்றன. இதனால் மனிதத் தொடுதல் மூலம் ஏற்படும் தொற்று அபாயம் (Contamination) முற்றிலும் தவிர்க்கப்படுகிறது.
  • மருந்து கொடுக்கும் ரோபோ: பார்மசியில் மருந்து எடுத்துத் தரவும் ரோபோக்கள் உள்ளன. இவை துல்லியமாக மருந்துகளைத் தேர்ந்தெடுத்து, தானாகவே கொண்டு வந்து கொடுக்கின்றன. இதனால் மேனுவல் தவறுகளும் (Manual Errors), காத்திருக்கும் நேரமும் குறைகிறது.

கியூ நிற்கத் தேவையில்லை: மருத்துவமனையில் அட்மிஷன் போட மணிக்கணக்கில் காத்திருக்க வேண்டிய அவசியமில்லை. அங்குள்ள ‘செல்ஃப் சர்வீஸ் கியோஸ்க்’ (Self-service Kiosks) இயந்திரங்களில், நோயாளிகள் தங்கள் ஐடி கார்டை ஸ்கேன் செய்தால் போதும்; சில வினாடிகளில் ரெஜிஸ்ட்ரேஷன் முடிந்துவிடுகிறது.

ADVERTISEMENT

5 ஸ்டார் சுகாதாரம்: பாரி வெளியிட்ட வீடியோவில், மருத்துவ வார்டுகள் அதீத சுத்தத்துடன் காணப்படுகின்றன. “இது மருத்துவமனை மாதிரியே இல்லை, ஏதோ 5 ஸ்டார் ஹோட்டல் மாதிரி இருக்கு” என்று அவர் வர்ணிக்கிறார்.

வைரல் ரியாக்ஷன்: இந்த வீடியோவைப் பார்த்த நெட்டிசன்கள், “இப்படி ஒரு தொழில்நுட்ப வளர்ச்சி இருப்பதால் தான், அமெரிக்கா போன்ற நாடுகள் சீனாவைப் போட்டிக்களமாகப் பார்க்கின்றன” (That’s Why Trump Hates…) என்று கமெண்ட் செய்து வருகின்றனர்.

ADVERTISEMENT

நம்ம ஊருக்குத் தேவை: “டாக்டரே… நீங்க நடங்க, நான் பின்னாடியே வர்றேன்” என்று பின்தொடரும் ‘AI சர்ஜிக்கல் டிராலி’ (Surgical Trolley) போன்ற தொழில்நுட்பங்களும் அங்குப் பயன்பாட்டில் உள்ளன. நம்ம ஊர் அரசு மருத்துவமனைகளில் கூட்டம் மற்றும் பணிச்சுமையைக் குறைக்க, இதுபோன்ற தொழில்நுட்பங்கள் வந்தால் அது ஒரு வரப்பிரசாதமாக இருக்கும்!

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel