கடந்த சில மாதங்களுக்கு முன்பாக தனது மனைவி ஆர்த்தி உடனான திருமண பந்தத்தில் இருந்து விலகுவதாக ரவி அறிவித்தார். aarthi accusation on jayam ravi
இந்த அறிவிப்பு அவரது ரசிகர்களை அதிர்ச்சியடைய வைத்தது. இந்தநிலையில், தயாரிப்பாளர் ஐசரி கணேஷின் மகள் ப்ரீத்தா திருமண நிகழ்ச்சியில் ரவி, தனது தோழி கெனிஷா பிரான்சிஸுடன் கலந்து கொண்டார். இந்த புகைப்படங்கள் இணையத்தில் வைரலானது.
இதுதொடர்பாக ஆர்த்தி வெளியிட்டுள்ள இன்ஸ்டாகிராம் பதிவில், “கடந்த ஒரு வருடமாக நான் மௌனத்தை கவசம் போல சுமந்து வருகிறேன். இதற்கு காரணம், நான் பலவீனமாக இருந்ததால் அல்ல, அமைதி தேவைப்பட்டதால்.
என் மீது சுமத்தப்பட்ட ஒவ்வொரு குற்றச்சாட்டையும் கொடூரமான கிசுகிசுப்பையும் நான் கடந்து சென்றேன்.
என் விவாகரத்து வழக்கு இன்னும் நடந்து கொண்டிருக்கிறது. ஆனால், 18 வருடங்களாக நான் அன்பு, விசுவாசம் மற்றும் நம்பிக்கையுடன் உடன் நின்ற மனிதர், என்னை விட்டு விலகிச் சென்றது மட்டுமல்லாமல், அவருடைய பொறுப்புகளிலிருந்தும் விலகிச் சென்றுள்ளார்.
ஒரு காலத்தில் அவர்களைப் பெருமை என்று அழைத்தவரிடமிருந்து உணர்ச்சிபூர்வமான அல்லது நிதி ரீதியான எந்த ஒரு ஆதரவும் இல்லை.
இப்போது, நாங்கள் வீட்டை விட்டு வெளியேற்றப்படும் சூழ்நிலை ஏற்பட்டுள்ளது. நான் பணத்தை தேடுபவள் என்று குற்றம் சாட்டப்படுகிறேன். அது உண்மையாக இருந்திருந்தால், நான் நீண்ட காலத்திற்கு முன்பே என் தனிப்பட்ட நலன்களைப் பாதுகாத்திருப்பேன். ஆனால், நான் கணக்கீட்டை விட அன்பைத் தேர்ந்தெடுத்தேன். பரிவர்த்தனையை விட நம்பிக்கையைத் தேர்ந்தெடுத்தேன். அது என்னை இங்குதான் கொண்டு வந்துள்ளது.
காதலித்ததற்காக வருத்தப்படவில்லை. ஆனால் அந்த காதல் பலவீனமாக இருப்பதாக சொன்னால் அதற்கு நான் உடன்பட மாட்டேன். என் குழந்தைகள் 10 மற்றும் 14 வயதுடையவர்கள். சட்டப் பிரிவுகளைப் புரிந்துகொள்ள அவர்கள் மிகவும் சிறியவர்கள், ஆனால் நான் கைவிடப்பட்டதை அவர்கள் உணர்வார்கள்” என்று தெரிவித்துள்ளார். aarthi accusation on jayam ravi