“ஸ்கூல்ல பாடம் நடத்துறாங்க… வீட்டுக்குப் போய் மக்கப் (Mug-up) பண்றோம்… எக்ஸாம்ல எழுதுறோம். இதானே ரொட்டீன் லைஃப்?” என்று சலித்துக்கொள்ளும் மாணவர்களா நீங்கள்? உங்களுக்காகவே ஒரு ‘செம’ செய்தியை பள்ளிக் கல்வித்துறை கொண்டு வந்திருக்கிறது.
புத்தகத்தில் உள்ளதை அப்படியே மனப்பாடம் செய்யும் முறையைத் தூக்கியெறிந்துவிட்டு, “எதையும் தாங்க… எதையும் செஞ்சுப் பாருங்க” என்ற ரீதியில், மாநில அனுபவக் கற்றல் வளமையம் (State Resource Centre for Experiential Learning) சென்னையில் தொடங்கப்பட்டுள்ளது.
எங்கே இருக்கு? சென்னை நுங்கம்பாக்கத்தில் உள்ள டிபிஐ (DPI) வளாகம் என்று அழைக்கப்படும் பேராசிரியர் அன்பழகன் கல்வி வளாகத்தில், இந்த நவீன மையம் அமைக்கப்பட்டுள்ளது. இதனைப் பள்ளிக் கல்வித்துறை அமைச்சர் அன்பில் மகேஸ் பொய்யாமொழி நேற்று திறந்து வைத்தார்.
என்ன ஸ்பெஷல்? “தியரி (Theory) மட்டும் படிச்சா மண்டையில ஏறாது பாஸ்… பிராக்டிகலா பார்க்கணும்!” என்பதுதான் இந்த மையத்தின் கான்செப்ட்.
- செய்முறை விளக்கம்: வகுப்பறையில் ஆசிரியர் நடத்தும் பாடங்களை, இங்குள்ள மாதிரிகள் (Models) மூலம் நேரடியாகச் செய்து பார்த்துப் புரிந்து கொள்ளலாம்.
- அனைத்துப் பாடங்களுக்கும்: அறிவியல், கணிதம் மட்டுமல்லாமல் மொழிப் பாடங்கள், சமூக அறிவியல் என ஒவ்வொரு பாடத்திற்கும் தனித்தனிப் பிரிவுகள் (Cells) இங்கு உள்ளன.
- ஆசிரியர்களுக்கும் பயிற்சி: மாணவர்களுக்கு எப்படிப் புதுமையாகப் பாடம் நடத்துவது என்பது குறித்து ஆசிரியர்களுக்கும் இங்குப் பிரத்யேகப் பயிற்சி அளிக்கப்படும்.
அமைச்சரின் ‘பிளான்’: இந்த மையத்தைத் திறந்து வைத்துப் பேசிய அமைச்சர், “மாணவர்கள் வகுப்பறையைத் தாண்டி, வாழ்க்கை அனுபவக் கல்வியைக் கற்க வேண்டும் என்பதே எங்கள் நோக்கம். தற்போது சென்னையில் தொடங்கப்பட்டுள்ளதைப்போல, விரைவில் ஒவ்வொரு மாவட்டத்திலும் இது போன்ற மையங்கள் உருவாக்கப்படும்” என்று குட் நியூஸ் சொல்லியிருக்கிறார்.
சென்னையில இருக்கிற அரசுப் பள்ளி மாணவர்களுக்கு இது ஒரு ஜாக்பாட்! லீவு நாள்ல சும்மா டி.வி பார்க்காம, உங்க பெற்றோரையோ அல்லது ஆசிரியரையோ கூட்டிக்கிட்டு இந்த டிபிஐ வளாகத்துக்கு ஒரு விசிட் அடிங்க.
கடினமான சயின்ஸ், மேக்ஸ் கான்செப்ட் எல்லாம் விளையாட்டு போல ஈஸியா புரியும். படிப்புங்கிறது சுமை இல்ல… சுகம்னு இங்க போனா ஃபீல் பண்ணுவீங்க!