அரசு செலவுல ‘ஹெச்.ஆர்’ (HR) ஆகணுமா? லேபர் மேனேஜ்மென்ட் படிப்புக்கு அப்ளிகேஷன் ஓப்பன்!

By Santhosh Raj Saravanan

|

Published on 5 May 2026, 12:43 PM

tn institute of labour studies admission 2026 ba ma labour management details

சென்னையில் உள்ள தமிழ்நாடு தொழிலாளர் கல்வி நிறுவனத்தில் 2026-2027 கல்வியாண்டிற்கான தொழிலாளர் மேலாண்மை (Labour Management) சார்ந்த பட்டப் படிப்புகளுக்கு மாணவர் சேர்க்கை தற்போது தொடங்கியுள்ளது. “தனியார் கல்லூரிகள்ல ஆயிரக்கணக்குல செலவு பண்ற படிப்பை, இங்க ரொம்பக் கம்மி பீஸ்ல படிச்சு முடிச்சுட்டு கெத்தா வேலைக்குத் தயாராகலாம் பாஸ்!

கோர்ஸ் மற்றும் தகுதி விவரங்கள்

இந்த இன்ஸ்டிடியூட்ல என்னென்ன கோர்ஸ் இருக்கு, அதுக்கு என்ன தகுதின்னு ஒருமுறை பாத்துக்குங்க.

ADVERTISEMENT
  • பி.ஏ. தொழிலாளர் மேலாண்மை (B.A. Labour Management) – தகுதி: பிளஸ் 2 (12th) தேர்ச்சி பெற்றிருக்க வேண்டும். காலம்: 3 ஆண்டுகள்.
  • எம்.ஏ. தொழிலாளர் மேலாண்மை (M.A. Labour Management) – தகுதி: ஏதேனும் ஒரு இளநிலைப் பட்டப்படிப்பு (Any Degree) முடித்திருக்க வேண்டும். காலம்: 2 ஆண்டுகள்.
  • பி.ஜி.டி.எல்.ஏ (P.G. Diploma in Labour Administration) – தகுதி: ஏதேனும் ஒரு பட்டப்படிப்பு முடித்தவர்கள் இதற்கு ‘Apply’ பண்ணலாம். காலம்: 1 ஆண்டு (பகுதி நேரம்/மாலை நேர வகுப்பு).
  • டி.எல்.எல்.ஏ (D.L.L.A – Diploma in Labour Laws with Administrative Law): தொழிலாளர் சட்டங்கள் மற்றும் நிர்வாகச் சட்டங்கள் பற்றிய இந்தப் படிப்புக்கு ஏதேனும் ஒரு பட்டப்படிப்பு முடித்திருக்க வேண்டும்.

இந்தப் படிப்பை முடிச்சா, பெரிய தொழிற்சாலைகள் மற்றும் ஐடி நிறுவனங்களில் தொழிலாளர் நல அலுவலர் (Labour Welfare Officer) அல்லது ஹெச்.ஆர் மேனேஜர் (HR Manager) வேலை கன்பார்ம்!

தமிழ்நாடு அரசுப் பணியாளர் தேர்வாணையம் (TNPSC) நடத்தும் தொழிலாளர் உதவி ஆணையர் (Assistant Commissioner of Labour) தேர்வுகளுக்கு இந்தப் படிப்பு ஒரு ‘கோல்டன் டிக்கெட்’. ‘ரிசல்ட்’ என்னன்னா, படிச்சு முடிச்ச உடனே அரசு மற்றும் தனியார் துறையில லட்சக்கணக்குல சம்பளம் வாங்க சூப்பர் வழி இது.

ADVERTISEMENT
விண்ணப்பக் கட்டணம்
  • பொதுப்பிரிவு மற்றும் ஓபிசி (OC/BC/MBC) மாணவர்களுக்கு 200 ரூபாய்.
  • எஸ்சி/எஸ்டி (SC/ST) மாணவர்களுக்கு 100 ரூபாய்.

விண்ணப்பங்களை இணையதளம் மூலமாகவோ அல்லது நேரடியாகச் சென்னை அம்பத்தூர் ஓடி பஸ் ஸ்டாண்ட் அருகில் உள்ள ‘தமிழ்நாடு தொழிலாளர் கல்வி நிறுவன’ அலுவலகத்தில் பெற்றுக்கொள்ளலாம்.

விண்ணப்பிக்க கடைசி நாள், மே 18 2026. இந்த இன்ஸ்டிடியூட் நேரடியாகத் தொழிலாளர் நலத் துறையின் கீழ் இயங்குவதால், இங்க வாங்குற டிகிரிக்கு வேலைவாய்ப்புல முன்னுரிமை கிடைக்கும்.

ADVERTISEMENT

அப்ளிகேஷன் விண்டோ ஓப்பன் ஆகிடுச்சு. கடைசி நாள் வரைக்கும் வெயிட் பண்ணாம இன்னைக்கே உங்க டாக்குமெண்ட்ஸை ரெடி பண்ணுங்க. சென்னையைச் சுத்தி இருக்கிற தம்பிகள் நேரடியா போயே அப்ளிகேஷன் வாங்கி விவரங்களைக் கேட்டுத் தெரிஞ்சுக்கலாம்.

ஒரு கௌரவமான மேனேஜர் வேலைக்கு இது ஒரு ஷார்ட்கட் வழி. லட்சக்கணக்குல பீஸ் கட்ட முடியலையேன்னு கவலைப்படாம, இந்த அரசு நிறுவனத்துல சேர்ந்து உங்க கரியரைத் தட்டித் தூக்குங்க. “வெறும் டிகிரி மட்டும் இல்ல பாஸ், இது உங்க எதிர்காலத்துக்கான அஸ்திவாரம்!”

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Santhosh Raj Saravanan

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel